ന്യൂഡല്‍ഹി: ശ്രദ്ധ വാല്‍ക്കര്‍ കൊലക്കേസില്‍ കുളംവറ്റിച്ച് പരിശോധന ആരംഭിച്ച് ഡല്‍ഹി പോലീസ്. മെഹ്‌റൗളി പ്രദേശത്തെ കുളത്തിലാണ് തെളിവെടുപ്പ് നടത്തുന്നത്‌. കൊലപാതകത്തിനു ശേഷം ശ്രദ്ധയുടെ തല ഈ കുളത്തില്‍ ഉപേക്ഷിച്ചെന്ന് പ്രതി അഫ്താബ് പൂനാവാല പോലീസിന് മൊഴി നല്‍കിയിരുന്നു. ഇതിന്റെ അടിസ്ഥാനത്തിലാണ് ഇവിടെ പരിശോധന നടത്തുന്നത്‌.
കുളംവറ്റിക്കാനുള്ള ശ്രമം ആരംഭിച്ചെങ്കിലും കൂടുതല്‍ സമയം എടുക്കുമെന്നതിനാല്‍ മുങ്ങല്‍വിദഗ്ധരെ നിയോഗിച്ചേക്കുമെന്നും സൂചനയുണ്ട്. ശ്രദ്ധയുടെ തല മെഹ്‌റൗളി പ്രദേശത്തെ കുളത്തില്‍ ഉപേക്ഷിച്ചുവെന്ന വിവരത്തിന്റെ അടിസ്ഥാനത്തില്‍ ഡല്‍ഹി മുനിസിപ്പല്‍ കോര്‍പ്പറേഷനുമായി സഹകരിച്ചാണ് പോലീസ് തെളിവെടുപ്പ് ആരംഭിച്ചത്.
ലിവിങ് ടുഗെദര്‍ പങ്കാളിയായ ശ്രദ്ധയെ, അഫ്താബ് കൊലപ്പെടുത്തിയ ശേഷം മൃതദേഹം വെട്ടിനുറുക്കി ഫ്രിഡ്ജില്‍ സൂക്ഷിച്ചിരുന്നു. തുടര്‍ന്ന് പതിനെട്ട് ദിവസങ്ങളിലായി മൃതദേഹത്തിന്റെ കഷണങ്ങള്‍ പല ഭാഗങ്ങളിലായി ഉപേക്ഷിക്കുകയാണുണ്ടായത്.
ഈ വര്‍ഷം മേയിലാണ് അഫ്താബും ശ്രദ്ധയും മുംബൈയില്‍നിന്ന് ഡല്‍ഹിയിലേക്ക് താമസം മാറിയത്. തുടര്‍ന്ന് ഇവിടെ വാടകവീട്ടില്‍ താമസിക്കുകയായിരുന്നു. ഇതിനിടെ ചെലവുകളുടെ പേരിലും വിശ്വാസ വഞ്ചനയുടെ പേരിലും ഇരുവരും തമ്മില്‍ തര്‍ക്കമുണ്ടായി. ഇതാണ് കൊലപാതകത്തിലേക്ക് നയിച്ചത്. പിന്നാലെ മൃതദേഹം വെട്ടിനുറുക്കി 35 കഷണങ്ങളാക്കി ഫ്രിഡ്ജില്‍ സൂക്ഷിച്ച ശേഷം പലയിടങ്ങളിലായി ഉപേക്ഷിക്കുകയായിരുന്നു.
Content Highlights: cops empty delhi pond looking for shraddha walkar's head
Published: 20 Nov 2022, 09:19 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented