തിരുവനന്തപുരം: പടക്കം പെ‍ാട്ടിച്ചതിനെ തുടർന്നുണ്ടായ തർക്കത്തിനിടെ രണ്ടുപേർക്ക് വെട്ടേറ്റ സംഭവത്തിൽ അഞ്ചുപേരെ വട്ടപ്പാറ പോലീസ് അറസ്റ്റുചെയ്തു. ശനിയാഴ്ച രാത്രി നടന്ന തർക്കത്തിൽ സി.പി.ഐ. നേതാവ് വിനോദിനും വിപിൻ ഇവർസണിനും വെട്ടേറ്റിരുന്നു.

To advertise here,

വിനോദിനു വെട്ടേറ്റ കേസിൽ വട്ടപ്പാറ ജൂബിലി നഗർ സ്വദേശി ചാരൾസ് ഇവർസൺ (62), മക്കളായ ജിജിൻ ഇവർസൺ (33), വിപിൻ ഇവർസൺ (34) എന്നിവരെ അറസ്റ്റുചെയ്തു. വിപിൻ ഇവർസണിനെയും ഒപ്പം ഉണ്ടായിരുന്നവരെയും ആക്രമിച്ച കേസിൽ വട്ടപ്പാറ പള്ളിവിള സ്വദേശി ഷിജു (41), ജൂബിലി നഗർ പ്ലാവിള വീട്ടിൽ വിജയരാജ് (64) എന്നിവരും അറസ്റ്റിലായി.

വിപിനും കൂട്ടുകാരും വീട്ടുവളപ്പിൽ പടക്കം പെ‍ാട്ടിച്ചത് വട്ടപ്പാറ പോലീസിൽ അറിയിക്കണമെന്ന് സമീപവാസിയായ വിജയരാജ് മരുമകൻ വിനോദിനെ അറിയിച്ചു.

സ്ഥലത്തെത്തിയ വിനോദ് വാളുമായി വീട്ടിൽ കയറി വിപിനെ വെട്ടിയതായി പോലീസ് പറഞ്ഞു. ഇതിനിടെ വിപിനൊപ്പം ഉണ്ടായിരുന്നവർ വെട്ടുകത്തി എടുത്ത് വിനോദിനെ ആക്രമിച്ചെന്നും പോലീസ് പറഞ്ഞു. ഗുരുതരമായി പരിക്കേറ്റ വിനോദ് സ്വകാര്യ ആശുപത്രിയിൽ ചികിത്സയിലാണ്.