പൊതുമേഖലാ എണ്ണക്കമ്പനിയായ ഓയിൽ ആൻഡ് നാച്വറൽ ഗ്യാസ് കോർപ്പറേഷൻ (ഒ.എൻ.ജി.സി.) ഗ്രാജ്വേറ്റ് ട്രെയിനിയുടെ 871 ഒഴിവുകളിലേക്ക് അപേക്ഷിക്കാം.എൻജിനിയറിങ്, ജിയോസയൻസ് വിഭാഗങ്ങളിലാണ് അവസരം. അസിസ്റ്റന്റ് എക്സിക്യുട്ടീവ് എൻജിനിയർ-641, കെമിസ്റ്റ്-39, ജിയോളജിസ്റ്റ്-55, ജിയോഫിസിസിസ്റ്റ്-78, പ്രോഗ്രാമിങ് ഓഫീസർ-13, മെറ്റീരിയൽസ് മാനേജ്മെന്റ് ഓഫീസർ-32, ട്രാൻസ്പോർട്ട് ഓഫീസർ-13 എന്നിങ്ങനെയാണ് ഒഴിവുകൾ. 2022-ലെ ഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് ഇൻ എൻജിനിയറിങ് (ഗേറ്റ് 2022) എഴുതിയവർക്കുമാത്രമേ അപേക്ഷിക്കാനാവൂ. ശമ്പളം 60,000-1,80,000 രൂപ

To advertise here,

കരിയര്‍ സംബന്ധമായ വാര്‍ത്തകളും വിശകലനങ്ങളും അറിയാന്‍ join whatsapp group

യോഗ്യത

  • അസിസ്റ്റന്റ് എക്സിക്യുട്ടീവ് എൻജിനിയർ: ബന്ധപ്പെട്ട ബ്രാഞ്ചിൽ 60 ശതമാനം മാർക്കിൽ കുറയാത്ത എൻജിനിയറിങ് ബിരുദം.
  • കെമിസ്റ്റ്: കെമിസ്ട്രിയിൽ 60 ശതമാനം മാർക്കിൽ കുറയാത്ത ബിരുദാനന്തരബിരുദം.
  • ജിയോളജിസ്റ്റ്: ജിയോളജി/പെട്രോളിയം/ജിയോസയൻസിൽ 60 ശതമാനം മാർക്കിൽ കുറയാത്ത എൻജിനിയറിങ്/സയൻസ് ബിരുദാനന്തരബിരുദം.
  • ജിയോഫിസിസിസ്റ്റ്: ജിയോഫിസിക്സ്/ജിയോഫിസിക്കൽ ടെക്നോളജി/ഫിസിക്സ് വിത്ത് ഇലക്‌ട്രോണിക്സിൽ 60 ശതമാനം മാർക്കിൽ കുറയാത്ത എൻജിനിയറിങ്/സയൻസ് ബിരുദാനന്തരബിരുദം.
  • പ്രോഗ്രാമിങ് ഓഫീസർ: 60 ശതമാനം മാർക്കിൽ കുറയാത്ത കംപ്യൂട്ടർ സയൻസ്/ഐ.ടി. എൻജിനിയറിങ് ബിരുദം/എം.സി.എ.
  • മെറ്റീരിയൽസ് മാനേജ്മെന്റ് ഓഫീസർ: ഏതെങ്കിലും ബ്രാഞ്ചിൽ 60 ശതമാനം മാർക്കിൽ കുറയാത്ത എൻജിനിയറിങ് ബിരുദം.
  • ട്രാൻസ്പോർട്ട് ഓഫീസർ: മെക്കാനിക്കൽ/ഓട്ടോ എൻജിനിയറിങ്ങിൽ 60 ശതമാനം മാർക്കിൽ കുറയാത്ത ബിരുദം.

ഓരോ വിഭാഗത്തിനും പരിഗണിക്കുന്ന ഗേറ്റ് സബ്ജക്ട് അറിയാൻ വിജ്ഞാപനം കാണുക.

തിരഞ്ഞെടുപ്പ്

  • ഗേറ്റ് സ്കോർ, യോഗ്യതാപരീക്ഷയിലെ മാർക്ക്, ഇന്റർവ്യൂ എന്നിവ പരിഗണിച്ചാണ് തിരഞ്ഞെടുപ്പ്.
  • തിരഞ്ഞെടുക്കുന്നവരെ ഇ-1 ലെവലിൽ 60,000-1,80,000 രൂപ ശമ്പളസ്കെയിലിൽ നിയമിക്കും.
  • അപേക്ഷ www.ongcindia.com വഴി ഒക്ടോബർ 10 വരെ.