
വയനാട്: ജില്ലയിലെ തെരഞ്ഞെടുക്കപ്പെട്ട പെണ്കുട്ടികള്ക്ക് ഫെഡറല് സ്കില് അക്കാദമിയില് നല്കിയ നൈപുണ്യ പരിശീലന കോഴ്സിന്റെ ആദ്യ ബാച്ച് വിജയകരമായി പൂര്ത്തിയാക്കി. മൂന്നര മാസം നീണ്ട ഫിനാന്ഷ്യല് അക്കൗണ്ടിങ് ആന്റ് ടാലി പ്രൈം കോഴ്സ് ബാച്ചില് 24 പെണ്കുട്ടികളാണ് ഉണ്ടായിരുന്നത്. പൂര്ണമായും റെസിഡന്ഷ്യലായിരുന്നു പരിശീലനം. താമസവും ഭക്ഷണവും സൗജന്യമായിരുന്നു.
ജൂണില് പുതിയ ബാച്ച് തുടങ്ങുന്നതാണ് . ബി കോം, ബിബിഎ, എംകോം അല്ലെങ്കില് എംബിഎ ആണ് ആവശ്യമായ വിദ്യാഭ്യാസ യോഗ്യത. അക്കൗണ്ടിങ്ങിലും ഫിനാന്ഷ്യല് മാനേജ്മെന്റിലും, അക്കൗണ്ടിങ് സോഫ്റ്റ് വെയറായ ടാലിയിലും പ്രായോഗിക പരിശീനത്തിന് മുന്ഗണ നല്കുന്നതാണ് കോഴ്സ്.
ഫിനാന്സ് രംഗത്ത് തൊഴില് കണ്ടെത്തുന്നതിന് ആവശ്യമായ നൈപുണ്യ പരിശീലനം നല്കി പെണ്കുട്ടികളെ തൊഴില് സജ്ജരാക്കുകയാണ് കോഴ്സിന്റെ ലക്ഷ്യം. മികച്ച അധ്യാപകരും പരിശീലകരുമാണ് കോഴ്സിന് നേതൃത്വം നല്കുന്നത്. ഫെഡറല് ബാങ്കിന്റെ സിഎസ്ആര് സംരംഭമായ ഫെഡറല് ബാങ്ക് ഹോര്മിസ് മെമോറിയല് ഫൗണ്ടേഷനു കീഴിലാണ് പദ്ധതി നടപ്പിലാക്കുന്നത്.
Content Highlights: first batch completed free accounting coaching in federal skill academy
Published: 25 May 2023, 04:38 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented