മലയാളത്തിലെ പ്രശസ്ത കഥാകൃത്തും നോവലിസ്റ്റുമായ ഉണ്ണികൃഷ്ണന്‍ പുതൂരിന്റെ 93-ാം ജന്മവാര്‍ഷിക സ്മൃതിദിനം ആഘോഷിക്കാനൊരുങ്ങി ചങ്ങരംകുളം സാംസ്‌കാരിക സമിതി ഗ്രന്ഥശാല. ഉണ്ണികൃഷ്ണന്‍ പുതൂരിന്റെ പുസ്തകമായ 'വിധിചക്ര'ത്തിന്റെ പ്രകാശനത്തിനോടൊപ്പം അദ്ദേഹത്തിന്റെ പ്രശസ്തമായ നോവല്‍ 'ആനപ്പക'യുടെ ചര്‍ച്ചയും പരിപാടിയുടെ ഭാഗമായി നടക്കും.
ജൂലായ് 15 ചൊവ്വാഴ്ച വൈകുന്നേരം നാല് മണിക്ക് ചങ്ങരംകുളം ഗ്രന്ഥശാല ഹാളില്‍ വെച്ചാണ് പരിപാടി സംഘടിപ്പിക്കുന്നത്. എഴുത്തുകാരന്‍ പി. സുരേന്ദ്രന്‍ പരിപാടി ഉദ്ഘാടനം ചെയ്യും. തുടര്‍ന്ന് ആനപ്പക എന്ന പുസ്തകത്തെ കുറിച്ചുള്ള ചര്‍ച്ചയാണ് നടക്കുക.
കെ.വി. ഇസ്ഹാഖ് നിയന്ത്രിക്കുന്ന ചര്‍ച്ചയില്‍ അബ്ദുട്ടി കൈതമുക്ക്, സജീവന്‍ നമ്പിയത്ത്, എ.പി. ശ്രീധരന്‍ മാസ്റ്റര്‍, എ. വത്സല ടീച്ചര്‍, എം.വി. രവീന്ദ്രന്‍, ഇ. ശാലിനി, ഷാജു പുതൂര്‍ എന്നിവര്‍ പങ്കെടുക്കും. ഉണ്ണികൃഷ്ണന്‍ പുതൂര്‍ സ്മാരക ട്രസ്റ്റ് ആന്‍ഡ് ഫൗണ്ടേഷന്‍, ഗുരുവായൂരിന്റെ സഹകരണത്തോടെ ആണ് പരിപാടി സംഘടിപ്പിക്കുന്നത്.
Content Highlights: Celebrating Unnikrishnan Puthoor`s 93rd birth anniversary with a discussion on his novel
Published: 14 Jul 2025, 07:01 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented