വിമാനത്താവളത്തിനും കൊളംബോ നഗരകേന്ദ്രത്തിനുമിടയില് എയര് ടാക്സി സര്വീസ് ആരംഭിക്കാനാണ് പ്രൊമോട്ടര്മാര് ലക്ഷ്യമിടുന്നത്.

പൈലറ്റില്ലാത്ത രണ്ട് സീറ്റുള്ള എയർ ടാക്സിയുടെ പരീക്ഷണത്തിന് ചൈനീസ് കമ്പനിക്ക് അനുമതി നൽകി ശ്രീലങ്ക. നേരെ മുകളിലേക്ക് ടേക്ക് ഓഫ് ചെയ്യാനും നേരെ താഴേക്ക് ലാൻഡ് ചെയ്യാനും ശേഷിയുള്ള എയർ ടാക്സിയുടെ പരീക്ഷണത്തിനാവും ശ്രീലങ്ക വേദിയാകുക. പൈലറ്റില്ലാത്ത ഇലക്ട്രിക് വിമാനത്തിന്റെ പരീക്ഷണം നടത്തുന്നതിന് 'ഇ ഹാങ്' (EHang) എന്ന ചൈനീസ് കമ്പനിക്കാണ് ലൈസൻസ് നൽകിയിട്ടുള്ളതെന്ന് ശ്രീലങ്കൻ സിവിൽ ഏവിയേഷൻ അതോറിറ്റി പറയുന്നു.
ചൈനീസ് കമ്പനി തങ്ങളുടെ EH216-S വിമാനം അടുത്തിടെ ശ്രീലങ്കയിൽ പ്രദർശിപ്പിച്ചിരുന്നു. യാത്രാ ഡ്രോൺ സർവീസുകൾ അവതരിപ്പിക്കുന്നതിനുള്ള മത്സരത്തിൽ ശ്രീലങ്കയും പങ്കുചേരുകയാണെന്ന് അധികൃതർ പറഞ്ഞു. വാണിജ്യ സേവനങ്ങൾക്ക് അനുമതി നൽകുന്നതിന് മുമ്പ് അഞ്ചുമാസത്തോളം പരീക്ഷണ പറക്കലുകൾ തുടർന്നേക്കാം എന്ന് അവർ കൂട്ടിച്ചേർത്തു.
വിമാനത്താവളത്തിനും കൊളംബോ നഗരകേന്ദ്രത്തിനുമിടയിൽ എയർ ടാക്സി സർവീസ് ആരംഭിക്കാനാണ് പ്രൊമോട്ടർമാർ ലക്ഷ്യമിടുന്നത്. ഇ ഹാങ് EH216-S ന് 16 ഇലക്ട്രിക് മോട്ടോറുകളും 16 പ്രൊപ്പല്ലറുകളുമാണ് ഉള്ളത്. 12 ബാറ്ററി പായ്ക്കുകളുമുണ്ട്. പരമാവധി 620 കിലോഗ്രാം ഭാരവുമായി ടേക്ക് ഓഫ് ചെയ്യാൻ കഴിയുന്ന ഇതിന് ഏകദേശം 25 മിനിറ്റ് വരെ പ്രവർത്തിക്കാനും 30 കിലോമീറ്റർ (18 മൈൽ) വരെ ദൂരം പറക്കാനും സാധിക്കും.
Content Highlights: Sri Lanka authorised EHang to test its pilotless two-seater electric air taxi., First test flight in Colombo carried Ports and Aviation Minister Anura Karunathilaka and deputy Janitha Ruwan Kodithuwakku., Testing will last about five months before potential commercial services., Planned route connects the airport and Colombo city centre., The EHang EH216-S features 16 electric motors and can cover up to 30 kilometres.
Published: 16 Nov 2026, 01:45 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented