രാത്രികാല യാത്രകളില്‍ ഡ്രൈവര്‍മാര്‍ ഉറങ്ങി പോകുന്നതിനെ തുടര്‍ന്നുണ്ടാകുന്ന അപകടങ്ങള്‍ ദിവസേന നമ്മള്‍ കേള്‍ക്കാറുണ്ട്. ഇത്തരത്തിലുണ്ടായ ഒരു അപകടത്തിന്റെ നടുക്കത്തിലാണ് നമ്മുടെ നാട്. എന്നാല്‍, ഇതിന് പരിഹാരം കാണാന്‍ കാസര്‍കോട് നഗരത്തില്‍ മാതൃകാപരമായ സംവിധാനം ഒരുക്കിയിരിക്കുകയാണ്.
രാത്രികാല ഡ്രൈവര്‍മാര്‍ക്കായി ചായയും കാപ്പിയും വെള്ളവും ലഭിക്കുന്ന മെഷിന്‍ ഇവിടെ ഒരുക്കിയിരിക്കുന്നത്. കാസര്‍കോട് വിദ്യനഗറിലെ പെട്രോള്‍ പമ്പിന് എതിര്‍വശത്തായാണ് ഇത് സ്ഥാപിച്ചിട്ടുള്ളത്. രാത്രികാല ഡ്രൈവര്‍മാര്‍ക്ക് ആശ്വാസം പകരുന്ന ഈ സംവിധാനം സമൂഹമാധ്യമങ്ങളില്‍ കൈയടി നേടുകയാണ്.
മെഷിനില്‍ ചില നിര്‍ദേശങ്ങളും എഴുതിയിട്ടുണ്ട്. രാത്രി 11 മണി മുതല്‍ രാവിലെ അഞ്ച് മണിവരെ ലഭിക്കുന്ന ഈ സേവനം തികച്ചും സൗജന്യമാണ്. രാത്രി ഡ്രൈവ് ചെയ്യുന്നവര്‍ മാത്രമേ ഉപയോഗിക്കാന്‍ പാടുള്ളൂ. 50 കപ്പ് കട്ടന്‍ ചായയും, കട്ടന്‍ കാപ്പിയുമാണ് ഇതില്‍ നിറച്ചിട്ടുള്ളത്. കുടിക്കാനും മുഖം കഴുകാനും വെള്ളവും ഇതിലുണ്ട്.
ഈ സംവിധാനം സിസിടിവിയുടെ നിരീക്ഷണത്തിലാണെന്ന മുന്നറിയിപ്പും ഈ മെഷിനില്‍ തന്നെ എഴുതിയിട്ടുണ്ട്. അപകടം കുറയ്ക്കുക എന്ന ലക്ഷ്യവുമായി രാത്രികാല ഡ്രൈവര്‍മാര്‍ക്ക് മുമ്പ് കേരളാ പോലീസ് കാപ്പിയും മറ്റും നല്‍കിയിരുന്നു.
Content Highlights: Coffee Machine For Night Drivers At Kasaragod
Published: 21 Feb 2020, 10:57 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented