200 കാറുകളുടെ പേര് പറയാന്‍ ഈ ആറ് വയസുകാരന് വെറും മൂന്ന് മിനിറ്റ് മതി; കൈയിലുള്ളത് 100 കാറുകള്‍


'വലുതാവുമ്പോള്‍ സ്വന്തമായി കാര്‍ ഉണ്ടാക്കണം. കാര്‍ ഉണ്ടാക്കുന്ന കമ്പനിക്ക് പേരും കണ്ടുവെച്ചു-'പൈ' എന്ന്.

മുഹമ്മദ് സയാൻ | ഫോട്ടോ: മാതൃഭൂമി

ലംബോര്‍ഗിനി മെര്‍കാറ്റോ, മക് ലാറന്‍, മസറാട്ടി, സിട്രോയന്‍, ആല്‍ഫ റോമിയോ... തുടങ്ങി ഇരുനൂറോളം ഇന്ത്യന്‍, വിദേശനിര്‍മിത കാറുകളുടെ പേരുകള്‍ പറയാന്‍ ആറുവയസ്സുകാരന്‍ മുഹമ്മദ് സയാന് മൂന്നോ നാലോ മിനിറ്റ് മതി. കാറുകള്‍ മുഴുവനായി കാണണമെന്നില്ല, ഏതെങ്കിലും ഭാഗം കണ്ടാലും മതി പേര് പറയും.

ദുബായിലെ നിരത്തിലൂടെ ചീറിപ്പായുന്ന വാഹനങ്ങളുടെ പേരുകള്‍ ഈ ഒന്നാം ക്ലാസുകാരന്‍ ഹൃദിസ്ഥമാക്കാന്‍ തുടങ്ങിയത് മൂന്നുവയസ്സുമുതലാണ്. തുടക്കത്തില്‍ യാത്രകള്‍ക്കിടെ പിതാവ് ദര്‍വീഷ് മൊയ്നുദ്ദീനാണ് വാഹനങ്ങളുടെ പേരുകള്‍ പറഞ്ഞുകൊടുത്തത്. ദുബായില്‍നിന്ന് അവധിക്ക് മാതാവ് നീതുവിന്റെ കാളത്തോടുള്ള വീട്ടില്‍ വന്നിരിക്കുകയാണിപ്പോള്‍.

ബ്രാന്‍ഡഡ് കാറുകളുടെ നൂറിലധികം ചെറുമാതൃകകളുണ്ട് കൈയില്‍. 'വലുതാവുമ്പോള്‍ സ്വന്തമായി കാര്‍ ഉണ്ടാക്കണം. കാര്‍ ഉണ്ടാക്കുന്ന കമ്പനിക്ക് പേരും കണ്ടുവെച്ചു-'പൈ' എന്ന്. ''കാറുകളുടെ പേരുകള്‍ രണ്ടുതവണ കേട്ടാല്‍മതി മനസ്സിലാക്കാന്‍. കുറെ പേരുകള്‍ പപ്പ പറഞ്ഞുതന്നു. കുറെ യൂ ട്യൂബിലും ഗൂഗിളിലുമെല്ലാം തിരഞ്ഞ് കണ്ടെത്തി പഠിച്ചു. എന്നാലും ചില കാറുകളുടെ പേരൊന്നും അറിയില്ല എനിക്ക്''- കുഞ്ഞു സയാന്‍ പറഞ്ഞു.

ദുബായ് ജെംസ് മില്ലേനിയം സ്‌കൂളിലാണ് പഠനം. ചിത്രങ്ങള്‍ വരയ്ക്കാനും ഇഷ്ടമാണ്. ദുബായില്‍ സീനിയര്‍ മെക്കാനിക്കല്‍ എന്‍ജിനീയറാണ് ദര്‍വീഷ്. മൂന്നുവയസ്സുകാരന്‍ മുഹമ്മദ് സായിദ് സഹോദരനാണ്. കാറിന്റെ ഏതെങ്കിലും ഭാഗം കണ്ടാല്‍ മതി, ഏതാണെന്ന് സയാന്‍ പറയും. ഇങ്ങനെ മൂന്നോ നാലോ മിനിറ്റുകൊണ്ട് 200 കാറുകളുടെ പേര് ഈ ആറുവയസ്സുകാരന്റെ വായിലോടും.

Content Highlights: Six Year Old Boy Knows 200 Car Names, Have 100 Car Miniature


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


BUS

1 min

ടൂറിസ്റ്റ് ബസ് എത്തിയത് വേളാങ്കണ്ണി യാത്രയ്ക്കുശേഷം; ഡ്രൈവര്‍ ക്ഷീണിതനായിരുന്നുവെന്ന് രക്ഷിതാക്കള്‍

Oct 6, 2022

Most Commented