റെബല്‍ 500 ക്രൂസര്‍ ബൈക്ക് ഇന്ത്യന്‍ വിപണിയിലെത്തിച്ച് ഹോണ്ട. 5.12 ലക്ഷം രൂപയാണ് എക്‌സ്-ഷോറൂം വില. ഗുരുഗ്രാം, മുംബൈ, ബെംഗളൂരു എന്നിവിടങ്ങളിലെ ബിഗ് വിങ് ഡീലര്‍ഷിപ്പുകളില്‍ മാത്രമാകും ബൈക്ക് ലഭ്യമാകുക. ബുക്കിങ് ആരംഭിച്ചുകഴിഞ്ഞു. 2025 ജൂണില്‍ വാഹനം നിരത്തിലിറങ്ങും. 471 സിസി, ലിക്വിഡ്-കൂള്‍ഡ്, ട്വിന്‍-സിലിണ്ടര്‍ എഞ്ചിനാണ് ബൈക്കിന് കരുത്തേകുന്നത്. 45.59 എച്ച്പി കരുത്തും 43.3 എന്‍എം പീക്ക് ടോര്‍ക്കും നല്‍കുന്നതാണ് എന്‍ജിന്‍. 6-സ്പീഡ് ഗിയര്‍ബോക്‌സാണ് ഒപ്പമുള്ളത്.
മുന്‍വശത്ത് ടെലിസ്‌കോപ്പിക് ഫോര്‍ക്കുകളിലും പിന്നില്‍ ഷോവ ഡ്യുവല്‍-ഷോക്ക് അബ്‌സോര്‍ബറുകളുമാണ് ഉളളത്. 690 എംഎം ആണ് സീറ്റ് ഹൈറ്റ്. മുന്‍വശത്ത് 296 എംഎം ഡിസ്‌ക് ബ്രേക്കും പിന്നില്‍ 240 എംഎം ഡിസ്‌ക് ബ്രേക്കും സുരക്ഷ നല്‍കുന്നു. ഡ്യുവല്‍-ചാനല്‍ എബിഎസ്സാണ് മറ്റൊരു സവിശേഷത. മാറ്റ് ഗണ്‍പൗഡര്‍ ബ്ലാക്ക് മെറ്റാലിക് എന്ന ഒരൊറ്റ കളര്‍ ഓപ്ഷനില്‍ മാത്രമാണ് റെബല്‍ 500 ഒറ്റ വേരിയന്റില്‍ ലഭ്യമാകുന്നത്.
പൂര്‍ണ്ണ എല്‍ഇഡി ലൈറ്റിംഗും ഒരു ഇന്‍വെര്‍ട്ടഡ് എല്‍സിഡി ഡിസ്‌പ്ലേയും ഉണ്ട്. 5.76 ലക്ഷം രൂപ എക്‌സ്-ഷോറൂം വിലയുള്ള കവാസാക്കി എലിമിനേറ്ററുമായാണ് പുതിയ റെബല്‍ 500 നേരിട്ട് മത്സരിക്കുന്നത്. റോയല്‍ എന്‍ഫീല്‍ഡിന്റെ 650 സിസി ക്രൂയിസര്‍ ബൈക്കുകളായ ഷോട്ട്ഗണ്‍ 650, സൂപ്പര്‍ മീറ്റിയോര്‍ 650 എന്നിവയ്ക്കും വെല്ലുവിളി ഉയര്‍ത്തിയേക്കും.
Content Highlights: honda rebel 500 launched in india
Published: 19 May 2025, 07:49 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented