കെട്ടഴിച്ച് കെട്ടുവള്ളങ്ങൾ നീങ്ങിത്തുടങ്ങുന്നു, പുതുപ്രതീക്ഷയിൽ കുമരകത്തെ വിനോദ സഞ്ചാര മേഖല

ടൂറിസം കേന്ദ്രങ്ങൾക്ക് നിയന്ത്രണങ്ങളോടെ അനുമതി ലഭിച്ചതോടെ കുമരകത്തെ വിനോദ സഞ്ചാര മേഖല ഉണർ‌ന്നു തുടങ്ങി. ആഭ്യന്തര ടൂറിസ്റ്റുകൾ എത്തി തുടങ്ങിയതോടെ മാസങ്ങൾക്ക് ശേഷം ഹൗസ് ബോട്ടുകൾ ചലിച്ചു തുടങ്ങി. കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ട് സഞ്ചാരികൾക്ക് സുരക്ഷിതയാത്ര ഒരുക്കുമെന്ന് ഹൗസ് ബോട്ട് ഉടമകൾ ഉറപ്പുനൽകുന്നു.

കോവിഡ് ആശങ്ക നിലനിൽക്കുന്നതിനാൽ പരമാവധി ജീവനക്കാർക്ക് വാക്സിൻ നൽകിയിട്ടുണ്ട്. റിസോർട്ടുകളിലും സുരക്ഷാ മുൻകരുതലുകൾ എടുത്തിട്ടുണ്ട്. ഓണക്കാലത്ത് കൂടുതൽ സഞ്ചാരികൾ കായൽ സൗന്ദര്യം നുകരാൻ എത്തുമെന്നാണ് പ്രതീക്ഷ. കഴിഞ്ഞ മൂന്നുവർഷമായി പല കാരണങ്ങൾ കൊണ്ട് വിനോദസഞ്ചാരമേഖല അടച്ചിട്ടതോടെ നിരവധി ജീവിതങ്ങളാണ് വഴിയാധാരമായത്.