പറക്കും സിങ്ങായ മിൽഖ സിങ്ങിനും മുൻപേ, പയ്യോളി എക്സ്പ്രസ് പി.ടി. ഉഷയ്ക്കും മുൻപേ ഇന്ത്യൻ അത്ലറ്റിക്സിൽ മിന്നും പ്രകടനം കാഴ്ചവെച്ച ഒരു കായികതാരമുണ്ട്. മലയാളിയായ ജി. വസന്തകുമാരി. 1958-ലും '60-ലുമായിരുന്നു മിൽഖയുടെ അത്യുജ്ജ്വലപ്രകടനം. അതിനും മുൻപ്, കൃത്യമായി പറഞ്ഞാൽ 1957 ഫെബ്രുവരി 10-ന് ബാംഗ്ലൂരിലെ ശ്രീകണ്ഠീരവ സ്റ്റേഡിയത്തിലെ ദേശീയ അത്ലറ്റിക്സ് മീറ്റിൽ വനിതകളുടെ ഹൈജമ്പ് പിറ്റിലായിരുന്നു വസന്തകുമാരിയും ചരിത്രവുമായുള്ള മുഖാമുഖം. 1954-ൽ ഇസ്രയേലുകാരി ക്രൊസ് അഹുവ സ്ഥാപിച്ച 5.1 അടി (1.55 മീറ്റർ) എന്ന ഏഷ്യൻ റെക്കോഡിന് ഒപ്പമെത്തിക്കൊണ്ടാണ് 15 വയസ്സുമാത്രം പ്രായമുണ്ടായിരുന്ന വസന്തകുമാരി ഇന്ത്യൻ അത്ലറ്റിക്സിന് പുതിയ ദിശാബോധം നൽകിയത്. ഇന്നിപ്പോൾ 84-ാം വയസ്സിലും ആ ചരിത്ര നിമിഷം വസന്തകുമാരി ഇന്നലെയെന്നപോലെ ഓർക്കുന്നു

To advertise here,