ലോക ചലച്ചിത്ര ആരാധകര്‍ക്കിടയില്‍ വലിയ ചര്‍ച്ചയായി മാറിയ ചിത്രമാണ് എസ്. എസ്. രാജമൗലി ഒരുക്കിയ ആർആർആർ. 95-ാമത് ഓസ്കർ പുരസ്കാരപ്പട്ടികയിൽ നാമനിർദേശം ലഭിച്ചതോടെ ചിത്രം ചരിത്രം കുറിക്കുകയും ചെയ്തു. ഇപ്പോഴിതാ ചിത്രത്തെ പ്രശംസിച്ച് രംഗത്തെത്തിയിരിക്കുകയാണ് സാക്ഷാൽ സ്റ്റീവൻ സ്പിൽബർഗ്! രാജമൗലിയുമൊത്തുള്ള സൂം കോളിലാണ് ആർആർആർ സമ്മാനിച്ച അനുഭവത്തെക്കുറിച്ച് സ്പിൽബർഗ് ആവേശഭരിതനായത് .

To advertise here,

തന്റെ കണ്ണുകളെ വിശ്വസിക്കാൻ കഴിഞ്ഞില്ല എന്നാണ് സ്പിൽബർഗിന്റെ വാക്കുകൾ. അതിശയകരമായ ചിത്രം, കണ്ണിന് ലഭിച്ച മധുരം, അസാധാരണ അനുഭവം.... സ്പിൽബർഗ് ചിത്രത്തെക്കുറിച്ച് പറയുന്നു. തനിക്ക് കസേരയിൽ നിന്ന് എഴുന്നേറ്റ് നൃത്തം ചെയ്യാൻ തോന്നുന്നുവെന്നാണ് രാജമൗലി സ്പിൽബർഗിന്റെ വാക്കുകളോട് പ്രതികരിച്ചത്.