ലോകത്തെ ഏറ്റവും മലിനമായ നഗരമായി പാകിസ്താന്റെ ലാഹോര്‍. ലാഹോറിലെ വായുഗുണനിലവാര സൂചിക അഥവാ (എ.ക്യൂ.ഐ) 394 എന്ന ഏറ്റവും അപകടകരമായ നിരക്കിലാണ്. വായുമലിനീകരണത്തെ തുടര്‍ന്നുണ്ടായ പുകമഞ്ഞില്‍ നിന്ന് രക്ഷപ്പെടാന്‍ കൃത്രിമ മഴപെയ്യിക്കാന്‍ ആലോചിക്കുകയാണ് സര്‍ക്കാര്‍. 

To advertise here,

വിളവെടുപ്പിനുശേഷം കൃഷിയിടങ്ങളില്‍ തീയിടുന്നതും വ്യാവസായിക മലിനീകരണവുമാണ് ലഹോറില്‍ പുകമഞ്ഞിന് കാരണമായത്. അന്തരീക്ഷത്തിലെ മഞ്ഞിനൊപ്പം സൂക്ഷ്മകണങ്ങളായ മലിനീകാരികളും പുകയും ചേരുമ്പോഴാണ് പുകമഞ്ഞുണ്ടാവുന്നത്.

പഞ്ചാബ് മുഖ്യമന്ത്രി മറിയം നവാസ് പുകമഞ്ഞ് ബാധിതമേഖലകളില്‍ ആന്റി സ്‌മോഗ് സ്‌ക്വാഡിനെ വിന്യസിച്ചു.  

വായുവിലെ വിവിധ മലിനീകാരികളുടെ തോതനുസരിച്ചാണ് എ.ക്യു.ഐ കണക്കാക്കുന്നത്. എ.ക്യു.ഐ 100-നുമുകളിലായാല്‍ അനാരോഗ്യകരമായ വായു എന്നാണര്‍ഥം. 150-ല്‍ കൂടിയാല്‍ കൂടുതല്‍ അപകടകാരിയാണ്. 301-ന് മുകളില്‍ എത്തുന്നത് അതിഗുരുതരമായ സാഹചര്യത്തെയും സൂചിപ്പിക്കുന്നു.