ഇന്ത്യയില്‍ ഏറ്റവും കൂടുതല്‍ വിറ്റഴിക്കുന്ന സ്മാര്‍ട്ട്‌ഫോണ്‍ ഏതാണ്? പട്ടികയിലെ ഒന്നാമന് ഇത്തവണയും മാറ്റമൊന്നുമില്ല. ചൈനീസ് ബ്രാന്‍ഡായ വിവോ തന്നെ. രണ്ടാമന്‍ സാംസങ്. ഓപ്പോ, റിയല്‍മി എന്നിവയാണ് മൂന്നും നാലും സ്ഥാനങ്ങളില്‍. അതേസമയം ഷഓമിയെ പിന്തള്ളി ആപ്പിള്‍ ആദ്യ അഞ്ചില്‍ ഇടംപിടിച്ചു.
2025 ആദ്യപാദത്തിലെ കണക്കുകള്‍ പുറത്തുവന്നപ്പോഴാണ് ആപ്പിളിന്റെ മുന്നേറ്റം. 9.5 ശതമാനം വിപണി വിഹിതം ആപ്പിളിനുണ്ട്. മുന്‍ വര്‍ഷം ഇതേ കാലയളവില്‍ ഇത് 7.3 ശതമാനമായിരുന്നു. ആപ്പിള്‍ ഉത്പന്നങ്ങളോട് ഇന്ത്യയിലെ ഉപഭോക്താക്കള്‍ക്ക് പ്രിയമേറുന്നതും ഫിനാന്‍സ് സ്‌കീമുകളുമാണ് ഐഫോണിന്റെ വില്‍പ്പന ഉയരാന്‍ സഹായിച്ചതെന്നാണ് ഗവേഷണ സ്ഥാപനമായ ഐഡിസി വ്യക്തമാക്കുന്നത്.
ആപ്പിളിന്റെ മുന്നേറ്റത്തില്‍ ആറാം സ്ഥാനത്തേക്ക് പിന്തള്ളപ്പെട്ട ഷഓമിയുടെ വിപണിവിഹിതം 7.8 ശതമാനമായി കുറഞ്ഞു. നേരത്തെ ഇത് 12.8 ശതമാനമായിരുന്നു. കഴിഞ്ഞ രണ്ടു വര്‍ഷമായി ഷഓമി ഇന്ത്യന്‍ വിപണിയില്‍ പ്രതിസന്ധികള്‍ നേരിടുകയാണ്.
അതേസമയം ഒന്നാം സ്ഥാനത്തുള്ള വിവോയ്ക്ക് 19.7 ശതമാനമാണ് വിപണിവിഹിതം. മുന്‍ വര്‍ഷം ആദ്യപാദത്തില്‍ ഇത് 16.2 ശതമാനമായിരുന്നു. രണ്ടാം സ്ഥാനത്തുള്ള സാംസങ്ങിന്റെ വിപണിവിഹിതം 15.6 ശതമാനത്തില്‍നിന്ന് 16.4 ശതമാനമായി മെച്ചപ്പെട്ടു. ഓപ്പോയ്ക്ക് 12 ശതമാനം, റിയല്‍മിക്ക് 10.6 ശതമാനം എന്നിങ്ങനെയാണ് മറ്റ് മുന്‍നിരകമ്പനികളുടെ വിപണിവിഹിതം.
Content Highlights: apple overtook chinese giant xiaomi in sales
Published: 27 May 2025, 02:22 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented