‘എൻജിന്റെ ശബ്ദം മാറിയപ്പോൾ എല്ലാം അവസാനിച്ചെന്ന് കരുതി, അതേ എൻജിനുമായി വിക്രം-1 കുതിച്ചുയർന്നു’

സ്വന്തമായി സ്വകാര്യ റോക്കറ്റ് വിക്ഷേപിക്കുന്ന ലോകത്തിലെ മൂന്നാമത്തെ രാജ്യമായി ഇന്ത്യ മാറിയിരിക്കുകയാണ്. ഹൈദരാബാദ് ആസ്ഥാനമായുള്ള സ്കൈറൂട്ട് എയ്‌റോസ്‌പേസ് വികസിപ്പിച്ചെടുത്ത സ്വകാര്യ ഓർബിറ്റൽ ലോഞ്ച് വെഹിക്കിളായ വിക്രം-1 ഈ വർഷം ജൂലായ് 18-ന് ആണ് ശ്രീഹരികോട്ടയിലെ സതീഷ് ധവാൻ സ്പേസ് റിസർച്ച് സെന്ററിൽനിന്ന് വിക്ഷേപിച്ചത്. ചരിത്രപരമായ നേട്ടം യുഎസിനും ചൈനയ്ക്കും ശേഷം സ്വന്തമായി വികസിപ്പിച്ച സ്വകാര്യ റോക്കറ്റ് വഴി ആദ്യ ശ്രമത്തിൽ തന്നെ വിജയകരമായി ഭ്രമണപഥത്തിൽ ഉപഗ്രഹങ്ങളെ എത്തിക്കുന്ന മൂന്നാമത്തെ രാജ്യമായി ഇന്ത്യ മാറി. 'മിഷൻ ആഗമൻ' എന്ന ഈ ചരിത്രപരമായ ദൗത്യത്തിന് പിന്നിൽ നിർണായക പങ്കുവഹിച്ചവരിൽ മലയാളികളായ 14 എൻജിനീയർമാരും ഉണ്ട്. ഇവരിൽ ഒരാൾ കോഴിക്കോട് നടുവണ്ണൂർ സ്വദേശിയായ അജിൻ ഘോഷ് ആണ്. ദൗത്യത്തിലെ തന്റെ അനുഭവങ്ങൾ മാതൃഭൂമി ഡോട് കോമുമായി പങ്കുവെയ്ക്കുകയാണ് അദ്ദേഹം.