പി.വി.ഗംഗാധരന് കോഴിക്കോടിന്റെ ആദരം; പുഷ്പ ജങ്ഷന്‍ മുതല്‍ ആനിഹാള്‍ ജങ്ഷന്‍ വരെ ഇനി പി.വി.ജി റോഡ്
സിനിമ, രാഷ്ട്രീയ, സാമൂഹ്യ രംഗത്ത് നിറഞ്ഞുനിന്ന പി.വി.ഗംഗാധരന് കോഴിക്കോടിന്റെ ആദരം. കോഴിക്കോട് പുഷ്പ ജംഗ്ഷന്‍ മുതല്‍ ആനിഹാള്‍ ജംഗ്ഷന്‍ വരെയുള്ള റോഡ് ഇനി മുതല്‍ മാതൃഭൂമി മുന്‍ ഡയറക്ടറും സിനിമ നിര്‍മ്മാതാവുമായിരുന്ന പി.വി ഗംഗാധരന്റെ പേരില്‍ അറിയപ്പെടും. സ്പീക്കര്‍ എ.എന്‍ ഷംസീറാണ് റോഡ് നാമകരണം ചെയ്തത്.
കോഴിക്കോട് കോര്‍പറേഷന്‍ മേയര്‍ ഡോ. ബീനാഫിലിപ്പ്, തോട്ടത്തില്‍ രവീന്ദ്രന്‍ എം.എല്‍.എ, മാതൃഭൂമി ചെയര്‍മാന്‍ ആന്റ് മാനേജിങ് എഡിറ്റര്‍ പി.വി ചന്ദ്രന്‍, മാതൃഭൂമി മാനേജിങ് ഡയറക്ടര്‍ എം.വി ശ്രേയാംസ്‌കുമാര്‍, മാതൃഭൂമി ജോയിന്റ് മാനേജിങ് എഡിറ്റര്‍ പി.വി നിധീഷ്, പിവിജിയുടെ ഭാര്യ ഷെറിന്‍ ഗംഗാധരന്, മക്കള്‍ തുടങ്ങിയവര്‍ ചടങ്ങില്‍ പങ്കെടുത്തു.
കോഴിക്കോട് ടൗണ്‍ഹാളില്‍ പി.വി ഗംഗാധരന്റെ ഫോട്ടോയും സ്പീക്കര്‍ അനാച്ഛാദനം ചെയ്തു. ചടങ്ങില്‍ സത്യന്‍ അന്തിക്കാട് പിവിജിയെ അനുസ്മരിച്ചു. പിവി ഗംഗാധരന്റെ പേരില്‍ നല്‍കുന്ന കൈത്താങ്ങ് പുരസ്‌കാരം സത്യന്‍ അന്തിക്കാടില്‍ നിന്നും അഭിനേതാവ് രാജന്‍ പാടൂര്‍ ഏറ്റുവാങ്ങി.
Content Highlights: kozhikode pvg road inauguration
Published: 04 Oct 2025, 08:36 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented