
കുമരകം: എക്കൽ നിറഞ്ഞ് നശിക്കുന്ന അവസ്ഥയിലാണെങ്കിലും വേമ്പനാട്ടുകായൽ യാത്രയിൽ വിനോദസഞ്ചാരികൾക്ക് അപൂർവമായെങ്കിലും പശ്ചിമഘട്ട മലനിരയുടെ മനോഹാരിതയും ആസ്വദിക്കാം. കായൽ യാത്രയ്ക്കിടെ പ്രത്യേക സമയങ്ങളിൽ യാത്രക്കാർക്ക് പശ്ചിമഘട്ട മലനിരകളുടെ സൗന്ദര്യവും കാണാനാകും. കാലാവസ്ഥ നല്ലനിലയിലും അന്തരീക്ഷം തടസ്സമില്ലാതെ നിൽക്കുകയുംചെയ്യുന്ന സമയത്തെ ഈ കാഴ്ച വളരെ മനോഹരവുമാണ്.
ദൃശ്യങ്ങൾ പലരും ക്യാമറയിൽ പകർത്താൻ ശ്രമിച്ചിട്ടുണ്ടെങ്കിലും അതൊന്നും അത്ര ഫലം കണ്ടിട്ടില്ല. എന്നാൽ, ജലഗതാഗത വകുപ്പ് ജീവനക്കാരൻ (ബോട്ട് മാഷ്) എം.ആർ. പ്രമോദ് മൊബൈൽ ഫോണിൽ പകർത്തിയ പശ്ചിമഘട്ട മലനിരയുടെ മനോഹാരിത തുളുമ്പുന്ന ചിത്രം ഇപ്പോൾ വൈറലായിരിക്കുകയാണ്.
ശനിയാഴ്ച രാവിലെ 7.15-ന് ആലപ്പുഴയിൽനിന്ന് പുറപ്പെട്ട എ 37-ാം നമ്പർ ബോട്ടിൽ വേമ്പനാട്ടു കായലിൽനിന്ന് തോട്ടിലേക്ക് പ്രവേശിക്കുന്ന മാർത്താണ്ഡം മുഖാവരത്ത് എത്തിയപ്പോഴാണ് ദൃശ്യങ്ങൾ കാണുന്നതും ഫോണിൽ ഈ ചിത്രം പകർത്തിയതും.
കുറഞ്ഞ ചെലവിൽ പ്രകൃതി സൗന്ദര്യം ആസ്വദിച്ചുള്ള ഒരു ബോട്ട് യാത്രയാണ് കോട്ടയം മുതൽ ആലപ്പുഴവരെ യാത്ര ചെയ്യുമ്പോൾ ലഭിക്കുന്നത്. എന്നാൽ, ഈ ജലപാതയുടെ പല ഭാഗങ്ങളും എക്കൽ നിറഞ്ഞ് നശിക്കുന്ന അവസ്ഥയിലാണിപ്പോൾ. ആഴം കുറയുന്ന ജലാശയങ്ങളും വേമ്പനാട് കായലും സംരക്ഷിക്കാൻ അധികൃതർ ശ്രമിക്കുന്നില്ലെന്ന ആക്ഷേപവും
Content Highlights: Experience rare views of the Western Ghats from Kumarakom backwaters during your Vembanad Lake journey. See stunning mountains on clear days. Photo goes viral!
Published: 19 Oct 2025, 04:44 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented