ബി.എസ്.എന്‍.എല്‍. ഓഫീസുകളില്‍ പോകാതെയും പേപ്പര്‍രഹിതമായും പുതിയ കണക്ഷനുകള്‍ ഇനി സ്വന്തമാക്കാം.
പത്തനംതിട്ട: ഇഷ്ടനമ്പർ തിരഞ്ഞെടുത്ത് സിം കാർഡ് ബുക്കുചെയ്യാനുള്ള ഡിജിറ്റൽ സൗകര്യം ബി.എസ്.എൻ.എലിൽ നിലവിൽവന്നു. കേരള സർക്കിൾ വികസിപ്പിച്ച പദ്ധതിയാണ് രാജ്യമാകെ ആരംഭിച്ചത്. ബി.എസ്.എൻ.എൽ. ഓഫീസുകളിൽ പോകാതെയും പേപ്പർരഹിതമായും പുതിയ കണക്ഷനുകൾ ഇനി സ്വന്തമാക്കാം.
ബി.എസ്.എൻ.എൽ. വെബ്സൈറ്റിലെ ക്യു.ആർ. കോഡ് സ്‌കാൻചെയ്‌തോ ലിങ്ക് വഴിയോ ഉപയോക്താക്കൾക്ക് കണക്ഷനെടുക്കാനുള്ള നടപടി തുടങ്ങാം. കേരള ചീഫ് ജനറൽ മാനേജർ ആർ. സജികുമാറിന്റെ നേതൃത്വത്തിലുള്ള ഐ.ടി. ടീമാണ് ഇത് വികസിപ്പിച്ചത്. ജൂനിയർ ടെലികോം ഓഫീസർമാരായ ഒ.എസ്. ശ്രീകുമാർ, സി. അനുമോദ് എന്നിവരും ടീമിലുണ്ടായിരുന്നു.
നാല് ഘട്ടം ഇവയാണ്
- ക്യു.ആർ. കോഡ് സ്‌കാൻചെയ്‌തോ ലിങ്ക് വഴിയോ
വെബ്സൈറ്റിൽ പ്രവേശിക്കുക.
- കെ.വൈ.സി. ഓൺലൈനായി പൂരിപ്പിക്കുക.
- ആധാർ ഇ-കെ.വൈ.സി.വഴി ഐഡന്റിഫിക്കേഷൻ പൂർത്തിയാക്കുക. ഇഷ്ടനമ്പർ തിരഞ്ഞെടുത്ത് കണക്ഷൻ ഉറപ്പിക്കുക.
സിം കാർഡ് അടുത്തുള്ള കസ്റ്റമർ കെയർ സെന്ററിൽനിന്ന് നേരിട്ട് കൈപ്പറ്റാം. അല്ലെങ്കിൽ പോസ്റ്റ്മാൻ, അംഗീകൃത ഡെലിവറി ഏജന്റുമാർവഴി വീട്ടിലെത്തിക്കുന്ന സൗകര്യം ലഭ്യമായ സ്ഥലങ്ങൾ വെബ്സൈറ്റിൽനിന്ന് തിരഞ്ഞെടുത്ത് അത് കൊടുക്കുക.
Content Highlights: Digital facility to select preferred mobile numbers online, Paperless registration process via QR code or website link, Aadhaar-based e-KYC for instant identity verification, Flexible delivery options via customer centers or doorstep delivery
Published: 27 May 2026, 07:27 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented