സപ്രൈസ് ആന്റ് ഷൈൻ ആപ്പിൾ ഇവന്റിൽ പുതിയ ഐഫോണുകൾക്ക് പുറമെ ശ്രദ്ധനേടി പുതിയ വാച്ച് സീരീസ് 12, വാച്ച് അൾട്രാ 4 എയർപോഡ്‌സ് 5 എന്നിവ. ആപ്പിൾ ഇന്റലിജൻസ് ഫീച്ചറുകളടക്കം ഉൾപ്പെടുത്ത് മൂന്ന് ഡിവൈസുകളിളിലും നിരവധി മെച്ചപ്പെടുത്തലുകൾ ആപ്പിൾ വരുത്തിയിട്ടുണ്ട്.

To advertise here,

ആപ്പിൾ വാച്ച് സീരീസ് 12, ആപ്പിൾ വാച്ച് അൾട്രാ 4

ആപ്പിൾ വാച്ച് സീരീസ് 12, വാച്ച് അൾട്രാ 4 എന്നിവയിൽ പുതിയ S11 ചിപ്പാണ് ഉപയോഗിക്കുന്നത്. തങ്ങളുടെ ഏറ്റവും ശക്തമായ വെയറബിൾ ചിപ്പാണിതെന്ന് കമ്പനി അവകാശപ്പെടുന്നു. ആപ്പിൾ വാച്ച് 12 ലും വാച്ച് അൾട്രാ 4 ലും ഹൃദയമിടിപ്പ് നിരീക്ഷണമടക്കം ആപ്പിൾ മെച്ചപ്പെടുത്തിയിട്ടുണ്ട്. ഇനി ഓരോ 5 കൂടുമ്പോഴും ഹൃദയമിടിപ്പ് വിലയിരുത്തും.

ആപ്പിൾ വാച്ച് സീരീസ് 12 രണ്ട് വലിപ്പങ്ങളിൽ ലഭ്യമാണ് - 42 മില്ലിമീറ്ററും 46 മില്ലിമീറ്ററും. ഈ വെയറബിളിൽ പുതിയ ഹെൽത്ത് സെൻസിങ് സിസ്റ്റവും കൂടുതൽ തവണയുള്ള എച്ച്.ആർ.വി (HRV) ട്രാക്കിങ്ങും ഉൾപ്പെടുത്തിയിട്ടുണ്ട്. ആപ്പിൾ പുതിയ റെഡിനെസ്സ് സ്‌കോറും (readiness score) അവതരിപ്പിച്ചിട്ടുണ്ട്. വിവിധ പ്രവർത്തനങ്ങൾ, പരിശീലന ഭാരം, പ്രധാന ആരോഗ്യ സൂചകങ്ങൾ (vitals), ഉറക്ക സ്‌കോർ എന്നിവ പരിശോധിച്ചുകൊണ്ട് 0-10 വരെ ദിവസേനയുള്ള റേറ്റിംഗ് നൽകുന്ന ഒന്നാണിത്. ഉപയോക്താക്കൾ വിശ്രമിക്കണോ, പ്രവർത്തനങ്ങളുടെ വേഗത കുറയ്ക്കണോ, അതോ നിലവിലെ അവസ്ഥയിൽ മുന്നോട്ട് പോകണോ എന്ന് ഇത് നിർദ്ദേശിക്കുന്നു.

വാച്ച് സീരീസ് 12 ൽ 24 മണിക്കൂർ വരെ ബാറ്ററി ലൈഫ് ലഭിക്കും. എന്നാൽ ഔട്ട്‌ഡോർ വർക്ക്ഔട്ട് ബാറ്ററി ലൈഫ് ഇപ്പോൾ 10 മണിക്കൂർ വരെ, അതായത് മുൻപത്തേക്കാൾ 25 ശതമാനം കൂടുതൽ ലഭിക്കുമെന്ന് ആപ്പിൾ പറയുന്നു. 15 മിനിറ്റ് ചാർജ് ചെയ്താൽ 12 മണിക്കൂർ വരെ ബാറ്ററി ലൈഫ് ലഭിക്കും. അലുമിനിയം മോഡലുകളിൽ കൂടുതൽ കരുത്തുറ്റ സെറാമിക് ഷീൽഡ് 2 സഹിതം പുതിയ അലുമിനിയം, ടൈറ്റാനിയം, സെറാമിക് ഫിനിഷുകളിലാണ് വാച്ച് വരുന്നത്. ആപ്പിൾ പുതിയ ബാൻഡുകളും പുതുക്കിയ ഹെർമിസ് (Hermes) ഓപ്ഷനുകളും വാഗ്ദാനം ചെയ്യുന്നുണ്ട്.

ആപ്പിൾ വാച്ച് അൾട്രാ 4-യും സമാനമായ പ്രധാന ഹെൽത്ത് പ്ലാറ്റ്ഫേമുകൾ ഉൾപ്പെടുത്തിയിട്ടുണ്ട്. സമാനമായ ഹൃദയമിടിപ്പ്, എച്ച്.ആർ.വി, റെഡിനെസ്സ്, പ്രധാന ആരോഗ്യ സൂചകങ്ങൾ, സ്റ്റെപ് ട്രാക്കിംഗ് അപ്ഗ്രേഡുകൾ എന്നിവയ്ക്കായി ഇത് ഹെൽത്ത് സെൻസിങ് സിസ്റ്റവും S11 ചിപ്പും ഉപയോഗിക്കുന്നു. ഒപ്പം കൂടുതൽ ബാറ്ററി ലൈഫടക്കം നൽകുന്നു. അൾട്രാ 4 സാധാരണ ഉപയോഗത്തിൽ 50 മണിക്കൂർ വരെയും, ലോ പവർ മോഡിൽ 84 മണിക്കൂർ വരെയും, എക്സ്റ്റൻഡഡ് വർക്ക്ഔട്ട് മോഡിൽ പൂർണ്ണ ജി.പി.എസും ഹൃദയമിടിപ്പ് ട്രാക്കിംഗും സഹിതം 25 മണിക്കൂർ വരെയും, മാക്‌സ് എക്സ്റ്റൻഡഡ് വർക്ക്ഔട്ട് മോഡിൽ 45 മണിക്കൂർ വരെയും നിൽക്കുമെന്ന് ആപ്പിൾ പറയുന്നു. നാചുറൽ, ബ്ലാക്ക് ടൈറ്റാനിയം എന്നീ നിറങ്ങളിലും, പുതുക്കിയ ട്രെയിൽ ലൂപ്പ്, ആൽപൈൻ ലൂപ്പ്, ഓഷ്യൻ ബാൻഡ് നിറങ്ങളിലും, പുതിയ ഹെർമിസ് അൾട്രാ മോഡലിലും ഇത് ലഭ്യമാണ്.

ആപ്പിൾ എയർപോഡ്‌സ് 5

എയർപോഡ്‌സ് 5 ന്റെ വരവോടെ അടിസ്ഥാന എയർപോഡ്‌സുകളിലും ഇത്തവണ അപ്ഗ്രേഡ് വന്നിട്ടുണ്ട്. ഓപ്പൺ-ഇയർ ഡിസൈനിൽ ഏറ്റവും മികച്ച ആക്ടീവ് നോയ്‌സ് കാൻസലേഷൻ (ANC) എയർപോഡ്‌സ് 5 വാഗ്ദാനം ചെയ്യുന്നുവെന്നും, ANC ഉള്ള എയർപോഡ്‌സ് 4 നേക്കാൾ 50 ശതമാനം വരെ കൂടുതൽ ശബ്ദം കുറയ്ക്കുന്നുവെന്നും ആപ്പിൾ അവകാശപ്പെടുന്നു. മെച്ചപ്പെട്ട ട്രാൻസ്പരൻസി മോഡ്, അഡാപ്റ്റീവ് ഓഡിയോ, കോൺവേഴ്‌സേഷൻ അവയർനെസ് എന്നിവയും ഈ ഇയർബഡുകളിൽ ഉണ്ടെന്ന് കമ്പനി വ്യക്തമാക്കുന്നു.

എയർപോഡ്‌സ് 5-ൽ മൾട്ടിപോർട്ട് അക്കോസ്റ്റിക് ആർക്കിടെക്ചറും അടുത്ത തലമുറ അഡാപ്റ്റീവ് ഇ.ക്യൂ (Adaptive EQ)-വും നൽകിയിട്ടുണ്ട്. ഇത് കൂടുതൽ വ്യക്തമായ ശബ്ദവും വ്യക്തിഗതമാക്കിയ സ്‌പേഷ്യൽ ഓഡിയോയും നൽകാൻ ഉദ്ദേശിച്ചുള്ളതാണ്. iOS 27-ൽ പ്രവർത്തിക്കുന്ന പിന്തുണയുള്ള ഐഫോൺ ഉള്ള ഉപയോക്താക്കൾക്കായി, എയർപോഡ്‌സ് 5 സിരി എഐ പിന്തുണയും (Siri AI support), തലയുടെ ആംഗ്യങ്ങളിലൂടെയുള്ള പ്രതികരണങ്ങളും തത്സമയ വിവർത്തനവും (Live Translation) നൽകുന്നു.

ആപ്പിൾ വാച്ച് സീരീസ് 12, വാച്ച് അൾട്രാ 4, എയർപോഡ്‌സ് 5 എന്നിവയുടെ വില

ആപ്പിൾ വാച്ച് സീരീസ് 12-ന്റെ അലുമിനിയം മോഡലിന് 56,900 രൂപ മുതലാണ് വില ആരംഭിക്കുന്നത്. ടൈറ്റാനിയം, സെറാമിക് മോഡലുകൾക്ക് യഥാക്രമം 99,900 രൂപയും 1,24,900 രൂപയുമാണ് വില വരുന്നത്. വാച്ച് അൾട്രാ 4-ന്റെ വില 1,09,900 രൂപയാണ്. എങ്കിലും ടൈറ്റാനിയം മിലാനീസ് ലൂപ്പ് വേരിയന്റിന് 1,24,900 രൂപയാണ് വില.

എയർപോഡ്‌സ് 5 വയർലെസ് ചാർജിംഗ് കേസ് ഇല്ലാതെ 14,900 രൂപയ്ക്ക് ലഭ്യമാണ്. വയർലെസ് ചാർജിംഗ് കേസ് സഹിതമുള്ള എയർപോഡ്‌സ് 5 വേരിയന്റിന് 17,900 രൂപയാണ് വില. മൂന്ന് ഉപകരണങ്ങളും ഇന്നുമുതൽ പ്രീ-ഓർഡർ ചെയ്യാൻ ലഭ്യമാണ്, വിൽപ്പന സെപ്റ്റംബർ 18 വെള്ളിയാഴ്ച ആരംഭിക്കും.