ന്യൂയോർക്ക്: യുഎസ് ഓപ്പൺ ടെന്നിസിന്റെ ആദ്യ ദിനത്തിന് അട്ടിമറിയോടെ തുടക്കം. യു.എസ്.ടി.എ ബില്ലി ജീൻ കിങ് നാഷണൽ ടെന്നീസ് സെന്ററിൽ ടെന്നീസ് ലോകത്തെ ഞെട്ടിച്ച് ഇതിഹാസതാരം നൊവാക് ജോക്കോവിച്ച് ഒന്നാം റൗണ്ടിൽ തന്നെ തോറ്റ് പുറത്തായി. നാലാം സീഡായ സെർബിയൻ താരത്തെ അർജന്റീനയുടെ മരിയാനോ നവോനെയാണ് അഞ്ച് സെറ്റ് നീണ്ട കടുത്ത പോരാട്ടത്തിനൊടുവിൽ കീഴടക്കിയത്. സ്‌കോർ: 6-7(5), 7-5, 6-4, 2-6, 1-6.

To advertise here,

അത്യന്തം ആവേശം നിറഞ്ഞ മത്സരത്തിൽ ആദ്യ സെറ്റ് ടൈബ്രേക്കറിലൂടെ നവോനെ സ്വന്തമാക്കിയിരുന്നു. എന്നാൽ തുടർന്നുള്ള രണ്ട് സെറ്റുകൾ നേടി ജോക്കോവിച്ച് ശക്തമായി തിരിച്ചുവന്നു. എന്നാൽ പിന്നീട് തകർപ്പൻ ഫോമിലേക്ക് ഉയർന്ന നവോനെ അവസാന രണ്ട് സെറ്റുകൾ 6-2, 6-1 എന്ന സ്‌കോറിന് നേടി മത്സരം സ്വന്തമാക്കുകയായിരുന്നു. നാല് മണിക്കൂറിലധികം നീണ്ടുനിന്ന മാരത്തൺ പോരാട്ടമായിരുന്നു ഇത്. മത്സരത്തിനിടെ പലതവണ താഴെ വീണ ജോക്കോവിച്ചിന്, അഞ്ചാം സെറ്റിൽ കടുത്ത ശാരീരിക ബുദ്ധിമുട്ടുകൾ നേരിടേണ്ടി വരികയും ചെയ്തു. വളരെ ക്ഷീണിതനായിരുന്നു താരം.

20 വർഷത്തിന് ശേഷം ആദ്യ റൗണ്ടിൽ തോൽവി

2006-ന് ശേഷം ഇതാദ്യമായാണ് ജോക്കോവിച്ച് ഒരു ഗ്രാൻഡ്സ്ലാം ടൂർണമെന്റിന്റെ ഒന്നാം റൗണ്ടിൽ പരാജയപ്പെടുന്നത്. 2006-ലെ ഓസ്ട്രേലിയൻ ഓപ്പണിൽ പോൾ ഗോൾഡ്സ്റ്റീനോടാണ് അദ്ദേഹം ഇതിന് മുൻപ് ഒന്നാം റൗണ്ടിൽ പരാജയപ്പെട്ടത്.

24 തവണ ഗ്രാൻഡ്സ്ലാം ചാമ്പ്യനായ ജോക്കോവിച്ചിനെ പരാജയപ്പെടുത്താൻ കഴിഞ്ഞത് തന്റെ 'സ്വപ്നം സഫലമായ' നിമിഷമാണെന്ന് അർജന്റീനിയൻ താരം മരിയാനോ നവോനെ മത്സരശേഷം പ്രതികരിച്ചു. പരാജയപ്പെട്ടെങ്കിലും ആർതർ ആഷെ സ്റ്റേഡിയത്തിലെ കാണികളെ അഭിവാദ്യം ചെയ്ത് അവർക്ക് ഓട്ടോഗ്രാഫും നൽകിയ ശേഷമാണ് ജോക്കോ കോർട്ട് വിട്ടത്.

ജോക്കോവിച്ചിന്റെ ടെന്നീസ് കരിയറിലെ ഏറ്റവും ദൈർഘ്യമേറിയ ആദ്യ റൗണ്ട് മത്സരമായിരുന്നു ഇത്. നാല് മണിക്കൂറും 35 മിനിറ്റും ഈ പോരാട്ടം നീണ്ടുനിന്നു. മത്സരത്തിലുടനീളം കടുത്ത ശാരീരിക ബുദ്ധിമുട്ടുകൾ നേരിട്ട സെർബിയൻ താരം, കളി നടക്കുമ്പോൾ പല തവണ ഛർദ്ദിക്കുകയും ചെയ്തിരുന്നു. തുടർന്ന് നാലാം സെറ്റിനുശേഷം അദ്ദേഹം മെഡിക്കൽ ടൈംഔട്ട് എടുക്കുകയും വൈദ്യസഹായം തേടുകയും ചെയ്തു. ആദ്യ ഘട്ടങ്ങളിൽ തലയിൽ ഐസ് ബാഗ് വെച്ചാണ് അദ്ദേഹം ചൂടിനെ പ്രതിരോധിക്കാൻ ശ്രമിച്ചത്. കാലാവസ്ഥ മോശമായതിനെത്തുടർന്ന് സ്റ്റേഡിയത്തിന്റെ മേൽക്കൂര അടച്ചപ്പോൾ എയർ കണ്ടീഷനിങ് ഓൺ ചെയ്യാൻ അദ്ദേഹം സൂപ്പർവൈസറോട് ആവശ്യപ്പെടുകപോലുമുണ്ടായി.

മൂന്നാം സെറ്റിന്റെ ആറാം ഗെയിമിനിടെയാണ് താരം പല തവണ കോർട്ടിൽ വെച്ച് ഛർദ്ദിച്ചത്. തുടർന്ന് ടൂർണമെന്റ് ഫിസിയോ നൽകിയ ഗുളികകളും ടീം നൽകിയ ദ്രാവകങ്ങളും കഴിച്ചാണ് മത്സരം നാല് മണിക്കൂറോളം നീണ്ടുനിന്ന കടുത്ത പോരാട്ടത്തിലേക്ക് അദ്ദേഹം കൊണ്ടുപോയത്. അവസാനത്തെയും നിർണായകവുമായ അഞ്ചാം സെറ്റിൽ നവോനെ 4-1 ന് മുന്നിലെത്തിയപ്പോൾ, ശാരീരിക ബുദ്ധിമുട്ടുകൾ സഹിക്കാനാകാതെ ജോക്കോവിച്ച് കോർട്ടിൽ പൊട്ടിക്കരഞ്ഞു. ഈ സമയം ഗാലറിയിലുണ്ടായിരുന്ന അദ്ദേഹത്തിന്റെ ഭാര്യ യെലേനയും ഈ ദൃശ്യങ്ങൾ കണ്ട് അതീവ ദുഃഖിതയായിരുന്നു.

25-ാം ഗ്രാൻഡ്സ്ലാം കിരീടമെന്ന ചരിത്രനേട്ടം ഇതോടെ ജോക്കോയ്ക്ക് വീണ്ടും അകലെയായി. യുഎസ് ഓപ്പണിൽ ജിമ്മി കോണേഴ്‌സിന്റെ 98 വിജയങ്ങളെന്ന റെക്കോഡ് മറികടക്കാൻ വെറും നാല് വിജയങ്ങളുടെ ദൂരം മാത്രമേ ജോക്കോവിച്ചിന് ഉണ്ടായിരുന്നുള്ളൂ. എന്നാൽ, പരാജയം ഈ നേട്ടങ്ങൾക്കെല്ലാം തിരിച്ചടിയായി. ഗ്രാൻഡ്സ്ലാം ടൂർണമെന്റുകളിൽ തുടർച്ചയായി 78 തവണ ആദ്യ റൗണ്ട് മത്സരങ്ങൾ വിജയിച്ച ജോക്കോവിച്ചിന്റെ അവിശ്വസനീയ റെക്കോഡും ഈ തോൽവിയോടെ അവസാനിച്ചു.