യൂജിന്: ലോക അത്ലറ്റിക്സ് ചാമ്പ്യന്ഷിപ്പില് പുരുഷന്മാരുടെ 3000 മീറ്റര് സ്റ്റീപ്പിള്ചേസില് ഇന്ത്യന്താരം അവിനാഷ് സാബ്ലെയ്ക്ക് മെഡലില്ല. ചൊവ്വാഴ്ച നടന്ന ഫൈനലില് എട്ടു മിനിറ്റ് 31.75 സെക്കന്ഡില് 11-ാം സ്ഥാനത്താണ് താരത്തിന് ഫിനിഷ് ചെയ്യാനായത്.
നേരത്തെ ഹീറ്റ്സില് മൂന്നാമനായിട്ടാണ് സാബ്ലെ ഫൈനലിലേക്ക് യോഗ്യത നേടിയത്. 27-കാരനായ മഹാരാഷ്ട്രക്കാരന് എട്ട് മിനിറ്റ് 18.75 സെക്കന്ഡിലാണ് ഫിനിഷ് ചെയ്തത്. ദേശീയ റെക്കോഡുകാരനായ (8:12.48) സാബ്ലെക്ക് പക്ഷേ ഫൈനലില് ആ പ്രകടനത്തിനടുത്ത് പോലും എത്താനായില്ല.
എട്ടു മിനിറ്റ് 25.13 സെക്കന്ഡില് ഫിനിഷ് ചെയ്ത മൊറോക്കോയുടെ ഒളിമ്പിക് ജേതാവു കൂടിയായ സൂഫിയാന് എല് ബക്കാലി സ്വര്ണം നേടി. എട്ടു മിനിറ്റ് 26.01 സെക്കന്ഡില് ഫിനിഷ് ചെയ്ത എത്യോപ്യയുടെ ലമേച ഗിര്മയ്ക്കാണ് വെള്ളി. കെനിയയുടെ കണ്സെസ്ലസ് കിപ്രുതോ വെങ്കലം നേടി.
Content Highlights: World Athletics Championships 2022 Avinash Sable Finishes 11th in Men s 3000m Steeplechase
Published: 19 Jul 2022, 09:07 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented