പാരീസ്: ഫ്രഞ്ച് ഓപ്പണ്‍ വനിതാ ഡബിള്‍സില്‍ സാനിയ മിര്‍സ- ലൂസി റാഡെക്ക സഖ്യത്തിന് തോല്‍വി. മൂന്നാം റൗണ്ടില്‍ അമേരിക്കയുടെ കോക്കോ ഗൗഫ്-ജെസ്സിക്ക പെഗ്യൂല സഖ്യത്തോട് തോറ്റാണ് സാനിയ-ലൂസി ജോഡി പുറത്തായത്. ലൂസി റാഡെക്ക ചെക്ക് റിപ്പബ്ലിക്ക് താരമാണ്.
നേരിട്ടുള്ള സെറ്റുകള്‍ക്കാണ് ഇന്തോ-ചെക്ക് ടീം പരാജയമേറ്റുവാങ്ങിയത്. സ്‌കോര്‍: 6-4, 6-3. ഇതോടെ വനിതാ ഡബിള്‍സിലെ ഇന്ത്യയുടെ കിരീട പ്രതീക്ഷ അവസാനിച്ചു. മത്സരത്തില്‍ ഗൗഫ്-ജെസിക്ക സഖ്യം തകര്‍പ്പന്‍ പ്രകടനമാണ് പുറത്തെടുത്തത്.
നീണ്ട കരിയറില്‍ ഇതുവരെ സാനിയയ്ക്ക് ഫ്രഞ്ച് ഓപ്പണ്‍ ഡബിള്‍സ് കിരീടം നേടാനായിട്ടില്ല. 2011-ല്‍ എലീന വെസ്‌നീനയ്‌ക്കൊപ്പം ഫൈനലിലെത്തിയതാണ് മികച്ച പ്രകടനം. വനിതാ ഡബിള്‍സില്‍ മൂന്ന് ഗ്രാന്‍ഡ്സ്ലാം കിരീടം നേടിയ താരമാണ് സാനിയ.
Content Highlights: french open 2022, sania mirza, roland garros, womens doubles, sania in french open
Published: 01 Jun 2022, 10:02 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented