മനാമ: എ.ടി.പി 80 മനാമ ഓപ്പണ്‍ ടെന്നീസ് ടൂര്‍ണമെന്റില്‍ ഇന്ത്യയുടെ രാംകുമാര്‍ രാമനാഥന് കിരീടം. ഫൈനലില്‍ റഷ്യയുടെ എവ്ജീനി കാര്‍ലോവ്‌സ്‌കിയെ കീഴടക്കിയാണ് രാംകുമാര്‍ കിരീടത്തില്‍ മുത്തമിട്ടത്.
നേരിട്ടുള്ള സെറ്റുകള്‍ക്കാണ് ഇന്ത്യന്‍ താരത്തിന്റെ വിജയം. സ്‌കോര്‍: 6-1, 6-4. രാംകുമാറിന്റെ കരിയറിലെ ആദ്യ എ.ടി.പി.ചലഞ്ചര്‍ കിരീടമാണിത്. പ്രഫഷണല്‍ താരമായി 12 വര്‍ഷത്തിനുശേഷമാണ് രാംകുമാര്‍ എ.ടി.പി.കിരീടം നേടുന്നത്‌.
ലോകറാങ്കിങ്ങില്‍ 222-ാം സ്ഥാനത്തുള്ള രാംകുമാര്‍ ടൂര്‍ണമെന്റിലെ ആറാം സീഡാണ്. കാര്‍ലോവ്‌സ്‌കി ലോകറാങ്കിങ്ങില്‍ 302-ാം സ്ഥാനത്താണ്. ഈ വിജയത്തോടെ ലോകറാങ്കിങ്ങില്‍ കാര്യമായ മുന്നേറ്റമുണ്ടാക്കാന്‍ രാംകുമാറിന് സാധിക്കും. മാത്രമല്ല റാങ്കിങ്ങില്‍ ഏറ്റവും മുന്നിലുള്ള ഇന്ത്യന്‍ താരം എന്ന നേട്ടവും സ്വന്തമാക്കും.
നിലവില്‍ 215-ാം സ്ഥാനത്തുള്ള പ്രജ്‌നേഷ് ഗുണേശ്വരനാണ് ഇന്ത്യന്‍ താരങ്ങളില്‍ ഏറ്റവും മുന്നില്‍. സുമിത് നാഗല്‍ 219-ാം റാങ്കിലുണ്ട്. ഈ കിരീടനേട്ടത്തോടെ രാംകുമാര്‍ 186-ാം റാങ്കിലേക്ക് ഉയര്‍ന്നേക്കും.
Content Highlights: Ramkumar Ramanathan wins maiden singles title on ATP Challenger Tour in Manama
Published: 29 Nov 2021, 10:52 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented