ന്യൂഡൽഹി: ലോക ബാഡ്മിന്റൺ ചാമ്പ്യൻഷിപ്പിന്റെ ആദ്യ റൗണ്ട് അനായാസം കടന്ന് ഇന്ത്യയുടെ പി.വി സിന്ധു. വനിതാ സിംഗിൾസിൽ അയർലൻഡിന്റെ സോഫിയ നോബ്ളിനെ നേരിട്ടുള്ള ഗെയിമുകൾക്ക് ഇന്ത്യൻ താരം കീഴടക്കി. ലോകറാങ്കിങ്ങിൽ 141-ാം സ്ഥാനക്കാരിയായ സോഫിയയ്ക്ക് ഒരു ഘട്ടത്തിൽപോലും 11-ാം റാങ്കുകാരിയായ സിന്ധുവിന് വെല്ലുവിളിയുയർത്താനായില്ല. സ്കോർ: 21-7, 21-11.
നേരത്തെ പുരുഷ, വനിതാ ഡബിൾസിൽ ഇന്ത്യൻ താരങ്ങൾ ആദ്യ റൗണ്ടിൽ വിജയിച്ചിരുന്നു. വനിതാ ഡബിൾസിൽ ഗായത്രി ഗോപീചന്ദ്-ട്രീസാ ജോളി സഖ്യം സ്പാനിഷ് ജോഡിയായ പൗലാ ലോപസ്-ലൂസിയ റോഡ്രഗസ് സഖ്യത്തെ നേരിട്ടുള്ള ഗെയിമുകൾക്ക് തറപറ്റിച്ചു. സ്കോർ: 21-9, 21-13.
പുരുഷ ഡബിൾസിൽ ഹരിഹരൻ-എം.ആർ അർജുൻ സഖ്യം ഐറിഷ് ജോഡിയെ മറികടന്നാണ് രണ്ടാം റൗണ്ടിലെത്തിയത്. ആദ്യ ഗെയിം ഇന്ത്യൻ സഖ്യം 21-16-ന് നേടിയിരുന്നു. രണ്ടാം ഗെയിമിൽ ഇന്ത്യ 6-4ന് മുന്നിട്ടുനിൽക്കെ ഐറിഷ് ജോഡി പിന്മാറുകയായിരുന്നു.
Content Highlights: PV Sindhu defeated Sophia Noble of Ireland in straight games (21-7, 21-11)., Gayatri Gopichand and Treesa Jolly won their women's doubles match against the Spanish pair., Hariharan and M.R. Arjun advanced to the second round in men's doubles after their opponents retired.
Published: 17 Aug 2026, 06:32 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented