ലുസെയ്ൻ: സീസണിലെ മികച്ച ദൂരം കണ്ടെത്തിയെങ്കിലും ഇന്ത്യൻ താരം നീരജ് ചോപ്രക്ക് ലുസെയ്ൻ ഡയമണ്ട് ലീഗിൽ രണ്ടാം സ്ഥാനം. സീസണിൽ മിന്നുന്ന ഫോമിലുള്ള ശ്രീലങ്കയുടെ റുമേഷ് പതിരംഗ 88.14 മീറ്റർ എറിഞ്ഞ് ഒന്നാമതെത്തി. ചോപ്ര 88.05 മീറ്ററാണ് എറിഞ്ഞത്. 86.69 മീറ്റർ കണ്ടെത്തിയ ഗ്രനാഡയുടെ ആൻഡേഴ്‌സൻ പീറ്റർ മൂന്നാമതെത്തി.

To advertise here,

കോമൺവെൽത്ത് ഗെയിംസിലും നീരജിനെ പിന്തള്ളി റുമേഷ് ഒന്നാമതെത്തിയിരുന്നു. രണ്ടാമത്തെ ശ്രമത്തിലാണ് നീരജ് 88.05 മീറ്റർ പിന്നിട്ടത്. സീസണിൽ ഇതുവരെ മികച്ച ദൂരം 85.83 മീറ്ററായിരുന്നു. കോമൺവെൽത്ത്‌ ഗെയിംസിലാണ്‌ ഈ ദൂരം പിന്നിട്ടത്‌.

ലുസെയ്‌നിൽ രണ്ട് റൗണ്ട് കഴിഞ്ഞപ്പോൾ ഇന്ത്യൻ താരം ഒന്നാമതായിരുന്നു. എന്നാൽ മൂന്നാം റൗണ്ടിൽ 88.14 മീറ്റർ എറിഞ്ഞ് ലങ്കൻ താരം ഒന്നാം സ്ഥാനം ഉറപ്പിച്ചു. പിന്നീടുള്ള റൗണ്ടുകളിൽ നീരജിന് ലങ്കൻ താരത്തെ മറികടക്കാനുമായില്ല