ലുധിയാന: 73-ാമത് ദേശീയ ബാസ്‌ക്കറ്റ് ബോള്‍ ചാമ്പ്യന്‍ഷിപ്പില്‍ റണ്ണറപ്പായി കേരള വനിതാ ടീം. ഞായറാഴ്ച ലുധിയാനയിലെ ഗുരു നാനാക് ദേവ് ഇന്‍ഡോര്‍ സ്‌റ്റേഡിയത്തില്‍ നടന്ന ഫൈനലില്‍ റെയില്‍വേസിനോട് 80-50 എന്ന സ്‌കോറിന് കേരളം തോല്‍വി വഴങ്ങുകയായിരുന്നു. ആദ്യ ക്വാര്‍ട്ടറില്‍ 21-12 എന്ന സ്‌കോറിന് മുന്നിട്ടുനിന്ന ശേഷമാണ് കേരള വനിതകള്‍ തോല്‍വി വഴങ്ങിയത്.
രണ്ടാം ക്വാര്‍ട്ടറില്‍ പൂനം ചതുര്‍വേദി, പുഷ്പ സെന്തില്‍ കുമാര്‍ എന്നിവരിലൂടെ തകര്‍പ്പന്‍ തിരിച്ചുവരവ് നടത്തിയ റെയില്‍വേസ്, ആദ്യ പകുതിയില്‍ 40-35 എന്ന സ്‌കോറിന് മുന്നിലെത്തി. 23 പോയന്റ് നേടിയ പൂനമായിരുന്നു റെയില്‍വേസിന്റെ ടോപ് സ്‌കോറര്‍. പുഷ്പ 15 പോയന്റ് നേടി. കേരളത്തിനായി അനീഷ ക്ലീറ്റസ് 18 പോയന്റ് സ്വന്തമാക്കി.
അതേസമയം പുരുഷ വിഭാഗത്തില്‍ റെയില്‍വേസിനെ 72-67 എന്ന സ്‌കോറിന് കീഴടക്കി തമിഴ്‌നാട് കിരീടംചൂടി. ചാമ്പ്യന്‍മാരായ പുരുഷ-വനിതാ ടീമുകള്‍ക്ക് അഞ്ച് ലക്ഷം രൂപ വീതം സമ്മാനത്തുകയായി ലഭിക്കും. റണ്ണറപ്പുകള്‍ക്ക് മൂന്ന് ലക്ഷവും മൂന്നാം സ്ഥാനക്കാര്‍ക്ക് രണ്ട് ലക്ഷവും വീതം ലഭിക്കും.
Content Highlights: National Basketball Championship Kerala Women as runners-up Railways retain the title
Published: 10 Dec 2023, 08:55 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented