മെല്‍ബണ്‍: നിലവിലെ യുഎസ് ഓപ്പണ്‍ ചാമ്പ്യന്‍ റഷ്യയുടെ ഡാനില്‍ മെദ്‌വദെവ് ഓസ്‌ട്രേലിയന്‍ ഓപ്പണിന്റെ ഫൈനലില്‍.
വെള്ളിയാഴ്ച നടന്ന സെമിയില്‍ നാലു സെറ്റുകള്‍ നീണ്ട പോരാട്ടത്തിനൊടുവില്‍ ഗ്രീസിന്റെ സ്‌റ്റെഫാനോസ് സിറ്റ്‌സിപാസിനെ തകര്‍ത്താണ് മെദ്‌വദെവിന്റെ ഫൈനല്‍ പ്രവേശനം.
25-കാരനായ മെദ്‌വദെവിന്റെ നാലാം ഗ്രാന്‍ഡ്സ്ലാം ഫൈനലാണിത്. താരത്തിന്റെ തുടര്‍ച്ചയായ രണ്ടാം ഗ്രാന്‍ഡ്സ്ലാം ഫൈനലും. റാഫേല്‍ നദാലാണ് ഞായറാഴ്ച നടക്കുന്ന ഫൈനലില്‍ മെദ്‌വദെവിന്റെ എതിരാളി.
ലോക രണ്ടാം നമ്പര്‍ താരമായ മെദ്‌വദെവിന്റെ രണ്ടാം ഓസ്‌ട്രേലിയന്‍ ഓപ്പണ്‍ ഫൈനലാണിത്. സിറ്റ്‌സിപാസിനെതിരേ 7-6 (5), 4-6, 6-4, 6-1 എന്ന സ്‌കോറിനായിരുന്നു മെദ്‌വദെവിന്റെ ജയം. രണ്ടു മണിക്കൂറിനടുത്ത് മാത്രമാണ് മത്സരം നീണ്ടത്.
അതേസമയം കിരീടം നേടാനായാല്‍ ഓപ്പണ്‍ കാലഘട്ടത്തില്‍ കന്നി ഗ്രാന്‍ഡ്സ്ലാം വിജയിച്ച ശേഷം തുടര്‍ച്ചയായ രണ്ടാം ഗ്രാന്‍ഡ്സ്ലാമും ജയിക്കുന്ന ആദ്യ താരമെന്ന നേട്ടം മെദ്‌വദെവിന് സ്വന്തമാക്കാം.
Content Highlights: daniil medvedev past stefanos tsitsipas to reach australian open 2022 final
Published: 28 Jan 2022, 06:22 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented