മെല്ബണ്: പോളണ്ടിന്റെ ലോക ഒന്നാം നമ്പര് താരം ഇഗ സ്വിയാറ്റെക് ഓസ്ട്രേലിയന് ഓപ്പണില് നിന്ന് പുറത്ത്. കസാഖ്സ്താന് താരവും വിംബിള്ഡണ് ചാമ്പ്യനുമായ എലെന റൈബാക്കിനയാണ് സ്വിയാറ്റെക്കിനെ പരാജയപ്പെടുത്തി ക്വാര്ട്ടറില് പ്രവേശിച്ചത്. നേരിട്ടുള്ള സെറ്റുകള്ക്കായിരുന്നു ഒന്നാം നമ്പര് താരത്തിന്റെ തോല്വി. സ്കോര്: 6-4, 6-4.
ഒന്നര മണിക്കൂര് നീണ്ട മത്സരത്തിനൊടുവിലായിരുന്നു നിലവിലെ ഫ്രഞ്ച്, യുഎസ് ഓപ്പണ് ജേതാവായ സ്വിയാറ്റെക്കിന്റെ തോല്വി. 22-ാം സീഡായ റൈബാക്കിനയ്ക്ക് ക്വാര്ട്ടറില് ലാത്വിയയുടെ ജെലെന ഒസ്റ്റപെന്കോയാണ് എതിരാളി. ഇതാദ്യമായാണ് റൈബാക്കിന ഓസ്ട്രേലിയന് ഓപ്പണിന്റെ ക്വാര്ട്ടര് ഫൈനലിലെത്തുന്നത്.
കൊക്കോ ഗൗഫും പുറത്ത്
അമേരിക്കയുടെ 18-കാരി കൊക്കോ ഗൗഫും ഓസ്ട്രേലിയന് ഓപ്പണില് നിന്ന് പുറത്തായി. പ്രീ ക്വര്ട്ടര് പോരാട്ടത്തില് ലാത്വിയയുടെ ജെലെന ഒസ്റ്റപെന്കോയാണ് നേരിട്ടുള്ള സെറ്റുകള്ക്ക് (7-5, 6-3) ഗൗഫിനെ പരാജയപ്പെടുത്തിയത്.
Content Highlights: Australian Open 2023 Elena Rybakina stuns world No 1 Iga swiatek
Published: 22 Jan 2023, 06:57 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented