ഗ്ലാസ്‌ഗോ: കോമൺവെൽത്ത് ഗെയിംസ് ബോക്സിങ്ങിൽ പുരുഷന്മാരുടെ 80 കിലോ വിഭാഗത്തിൽ അങ്കുഷ് പംഗലിന് സ്വർണം. ഇംഗ്ലണ്ടിന്റെ ഡിമെജി ഷിത്തുവിനെ (4-1) പരാജയപ്പെടുത്തിയാണ് അങ്കുഷ് സ്വർണം നേടിയത്. ബോക്സിങ് വേദിയിൽ ഇന്ത്യയുടെ ഏഴാം സ്വർണ മെഡലാണിത്.

To advertise here,

കോമൺവെൽത്ത് ഗെയിംസ് പുരുഷന്മാരുടെ ബോക്സിങ്ങിൽ സ്വർണം നേടുന്ന രണ്ടാമത്തെ ഇന്ത്യൻ താരമാണ് അങ്കുഷ് പംഗൽ. നേരത്തെ 60 കിലോ വിഭാഗത്തിൽ സച്ചിൻ സിവാച്ച് സ്വർണം സ്വന്തമാക്കിയിരുന്നു.

വനിതാ വിഭാഗത്തിലും ഇന്ത്യൻ താരങ്ങൾ മിന്നും പ്രകടനമാണ് കാഴ്ചവെച്ചത്. അഞ്ച് സ്വർണ മെഡലുകളാണ് വനിതാ താരങ്ങൾ ഇന്ത്യയുടെ അക്കൗണ്ടിലെത്തിച്ചത്. പ്രീതി പവാർ (54 കിലോ), ജാസ്മിൻ ലംബോറിയ (57 കിലോ), സാക്ഷി ചൗധരി (51 കിലോ), പ്രിയ ഘംഗാസ് (60 കിലോ), അരുന്ധതി ചൗധരി (70 കിലോ) എന്നിവരാണ് സ്വർണ മെഡൽ കരസ്ഥമാക്കിയത്.

കൂടാതെ, പുരുഷന്മാരുടെ 55 കിലോ വിഭാഗത്തിൽ ഇന്ത്യയുടെ ജാദുമണി സിങ്ങും വനിതകളുടെ 75 കിലോ വിഭാഗത്തിൽ ലൗവ്‌ലിന ബോർഗോഹെയ്നും +90 കിലോ വിഭാഗത്തിൽ നരേന്ദർ ബെർവാളും വെള്ളി മെഡൽ കരസ്ഥമാക്കിയിട്ടുണ്ട്.