ന്യൂഡല്‍ഹി: ഇന്ത്യന്‍ സ്പ്രിന്ററും ഏഷ്യന്‍ ഗെയിംസ് മെഡല്‍ ജേതാവുമായ ദ്യുതി ചന്ദിന് നാലു വര്‍ഷത്തെ വിലക്ക്. ഉത്തേജക മരുന്ന് പരിശോധനയില്‍ പരാജയപ്പെട്ടതിനെ തുടര്‍ന്ന് ദേശീയ ഉത്തേജക വിരുദ്ധ ഏജന്‍സിയാണ് (നാഡ) താരത്തിന് വിലക്കേര്‍പ്പെടുത്തിയിരിക്കുന്നത്.
കഴിഞ്ഞ ഡിസംബറില്‍ നാഡ ശേഖരിച്ച താരത്തിന്റെ രണ്ട് സാമ്പിളുകളിലും സെലക്ടീവ് ആന്‍ഡ്രോജന്‍ റിസെപ്റ്റര്‍ മോഡുലേറ്റേഴ്‌സിന്റെ (നിരോധിത വസ്തു) സാന്നിധ്യം കണ്ടെത്തിയിരുന്നു. ഇതിനെ തുടര്‍ന്നാണ് നടപടി.
2023 ജനുവരി മൂന്ന് മുതലാണ് വിലക്കിന്റെ കാലാവധി ആരംഭിക്കുന്നത്. 2027 വരെ ഇനി താരത്തിന് ദേശീയ-അന്തര്‍ ദേശീയ മത്സരങ്ങളിലൊന്നും പങ്കെടുക്കാനാകില്ല. അതേസമയം താരത്തിന് അപ്പീല്‍ നല്‍കാന്‍ 21 ദിവസത്തെ സമയം അനുവദിച്ചിട്ടുണ്ട്.
2018-ല്‍ ജക്കാര്‍ത്ത ഏഷ്യന്‍ ഗെയിംസില്‍ 100, 200 മീറ്ററുകളില്‍ വെള്ളി മെഡല്‍ നേടിയ ദ്യുതി, 100 മീറ്ററില്‍ ദേശീയ റെക്കോഡിന് ഉടമയുമാണ്.
Content Highlights: sprinter Dutee Chand gets four-year dope ban
Published: 18 Aug 2023, 03:38 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented