റാഞ്ചി: എട്ടു മാസത്തെ ഇടവേളക്ക് ശേഷം ക്രിക്കറ്റിലേക്ക് തിരിച്ചുവരാനുള്ള ഒരുക്കത്തിലാണ് എം.എസ് ധോനി. ഐ.പി.എല്ലില് ചെന്നൈ സൂപ്പര് കിങ്സിന്റെ ക്യാപ്റ്റനായ ധോനി അടുത്തിടെ പരിശീലനം ആരംഭിച്ചിരുന്നു. ഇതിനിടയില് ധോനിയുടെ ഒരു വീഡിയോ വൈറലായിരിക്കുകയാണ്.
ധോനി ആരാധകരുടെ ട്വിറ്റര് പേജിലാണ് ഈ വീഡിയോ പ്രത്യക്ഷപ്പെട്ടത്. റാഞ്ചി ക്രിക്കറ്റ് ഗ്രൗണ്ടില് ധോനി പിച്ച് റോളര് ഓടിക്കുന്നതാണ് വീഡിയോയിലുള്ളത്. സാധാരണയായി പിച്ച് ക്യൂറേറ്റന്മാര് പിച്ചൊരുക്കുന്നതിന്റെ ഭാഗമായാണ് ഈ റോളര് ഓടിക്കാറുള്ളത്. ഈ വീഡിയോ പുറത്തുവന്നതോടെ ധോനി പിച്ച് ക്യൂറേറ്ററും ആയോ എന്നാണ് ആരാധകര് ചോദിക്കുന്നത്. 'ഒരു മനുഷ്യന്, വ്യത്യസ്ത ജോലികള്' എന്ന കുറിപ്പോടെയാണ് ഈ വീഡിയോ ആരാധകര് ട്വീറ്റ് ചെയ്തിരിക്കുന്നത്.
ജാര്ഖണ്ഡ് താരങ്ങള്ക്കൊപ്പം പരിശീലനം നടത്താനായി ധോനി ഇടക്കിടെ റാഞ്ചി സ്റ്റേഡിയത്തില് എത്താറുണ്ട്. കഴിഞ്ഞ ദിവസം സ്റ്റേഡിയത്തോട് അനുബന്ധിച്ചുള്ള ജിമ്മില് ധോനിയെ കണ്ടിരുന്നു.
Content Highloghts: MS Dhoni turns pitch curator ahead of IPL 2020 comeback
Published: 27 Feb 2020, 08:09 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented