ന്യൂഡല്‍ഹി: ലോക ബോക്‌സിങ് ചാമ്പ്യന്‍ഷിപ്പില്‍ ഇന്ത്യ തുടര്‍ച്ചയായി മൂന്നാം ഫൈനല്‍ ഉറപ്പിച്ചിരിക്കുന്നു. ന്യൂഡല്‍ഹി ആതിഥേയത്വം വഹിക്കുന്ന ലോക ബോക്‌സിങ് ചാമ്പ്യന്‍ഷിപ്പില്‍ ഇന്ത്യയുടെ ലവ്‌ലിന ബോര്‍ഗോഹൈന്‍ ഫൈനലില്‍.
വനിതകളുടെ 75 കിലോ വിഭാഗം സെമി ഫൈനല്‍ പോരാട്ടത്തില്‍ ലവ്‌ലിന, ചൈനയുടെ ലി ക്യുവാനെ തകര്‍ത്ത് ഫൈനലില്‍ ഇടം നേടി.ഒളിമ്പിക്‌സിലെ വെള്ളി മെഡല്‍ ജേതാവായിരുന്നു ലി. വാശിയേറിയ സെമി ഫൈനല്‍ പോരാട്ടത്തില്‍ 4-1 നാണ് ലവ്‌ലിന വിജയിച്ചത്. ടോക്യോ ഒളിമ്പിക് മെഡല്‍ ജേതാക്കള്‍ പരസ്പരം പോരാടിയ മത്സരം കൂടിയായിരുന്നു ഇത്.
ടോക്യോ ഒളിമ്പിക്‌സില്‍ ഇന്ത്യയ്ക്ക് വേണ്ടി വെങ്കല മെഡല്‍ നേടിയ താരമാണ് ലവ്‌ലിന. താരത്തിന്റെ ആദ്യ ലോക ബോക്‌സിങ് ചാമ്പ്യന്‍ഷിപ്പ് ഫൈനലാണിത്. മുന്‍പ് 2019-ലും 2018-ലും താരം ചാമ്പ്യന്‍ഷിപ്പില്‍ വെങ്കലം നേടിയിരുന്നു.
Content Highlights: Lovlina Borgohain enter into the finals of world boxing championship 2023
Published: 23 Mar 2023, 09:19 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented