
ബ്രസീലിയ: ലോകകപ്പ് യോഗ്യതാ റൗണ്ടില് ലാറ്റിനമേരിക്കന് കരുത്തരായ അര്ജന്റീനയ്ക്കും ബ്രസീലിനും വിജയം. പെറുവിനെ എതിരില്ലാത്ത ഒരു ഗോളിന് അര്ജന്റീന തോല്പ്പിച്ചപ്പോള് യുറുഗ്വായ്ക്കെതിരേ 4-1നായിരുന്നു ബ്രസീലിന്റെ വിജയം.
അമസോണിയ അരീനയില് നടന്ന മത്സരത്തിന്റെ പത്താം മിനിറ്റില് നെയ്മര് ബ്രസീലിന് ലീഡ് നല്കി. ഫ്രെഡിന്റെ പാസ് സ്വീകരിച്ചായിരുന്നു നെയ്മറിന്റെ ഗോള്. 18-ാം മിനിറ്റില് റഫീന ലീഡ് ഇരട്ടിയാക്കി. 58-ാം മിനിറ്റില് റഫീന വീണ്ടും ലക്ഷ്യം കണ്ടു. 83-ാം മിനിറ്റില് ഗബിഗോളിലൂടെ ബ്രസീല് പട്ടിക പൂര്ത്തിയാക്കി. ലൂയി സുവാരസാണ് യുറുഗ്വായുടെ ആശ്വാസ ഗോള് നേടിയത്.
ഈ വിജയത്തോടെ യോഗ്യതാ റൗണ്ടില് 11 മത്സരങ്ങളില് ബ്രസീലിന് 31 പോയിന്റായി. ഇനി ഒരു മത്സരം കൂടി വിജയിച്ചാല് യോഗ്യത നേടാം.
പെറുവിനെതിരേ അര്ജന്റീനയുടെ സമ്പൂര്ണ ആധിപത്യം കണ്ട മത്സരത്തിന്റെ ആദ്യ പകുതിയിലാണ് വിജയഗോള് വന്നത്. 43-ാം മിനിറ്റില് ലൗട്ടാരൊ മാര്ട്ടിനെസ് ആണ് ഗോള് കണ്ടെത്തിയത്. മൊളീനയുടെ അസിസ്റ്റില് നിന്നായിരുന്നു ഇന്റര്മിലാന് താരമായ മാര്ട്ടിനെസിന്റെ ഗോള്. അര്ജന്റീനയുടെ തോല്വി അറിയാത്ത തുടര്ച്ചയായ 25-ാം മത്സരമായിരുന്നു ഇത്. 11 മത്സരങ്ങളില് അര്ജന്റീനയ്്ക്ക് 25 പോയിന്റാണുള്ളത്. അര്ജന്റീന രണ്ടാം സ്ഥാനത്തും 11 പോയിന്റ് മാത്രമുള്ള പെറു ഒമ്പതാം സ്ഥാനത്തുമാണ്.
Content Highlights: World Cup Football Qualifying Round Brazil Argentina
Published: 15 Oct 2021, 10:56 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented