ഭുവനേശ്വര്: മേഘാലയയുംകൂടി കടന്നതോടെ സന്തോഷ് ട്രോഫി ഫുട്ബോളിന്റെ സെമിഫൈനല് ചിത്രം തെളിഞ്ഞു. സര്വീസസിന് കര്ണാടകയും പഞ്ചാബിന് മേഘാലയയുമാണ് എതിരാളി. മാര്ച്ച് ഒന്നിന് റിയാദിലെ കിങ് ഫഹദ് സ്റ്റേഡിയത്തില് സെമിഫൈനല് മത്സരങ്ങള് നടക്കും. മാര്ച്ച് നാലിനാണ് ഫൈനല്.
ഗ്രൂപ്പ് ബി.യിലെ നിര്ണായകമത്സരത്തില് ബംഗാളിനെ 2-1 ന് കീഴടക്കിയാണ് മേഘാലയ സെമിഫൈനല് ഉറപ്പിച്ചത്. ചരിത്രത്തിലാദ്യമായാണ് മേഘാലയ സെമിയില് കടക്കുന്നത്. ഗ്രൂപ്പില്നിന്ന് സര്വീസസ് നേരത്തെ സെമി ഉറപ്പാക്കിയിരുന്നു. അഞ്ച് കളിയിലായി സര്വീസസിന് 13 പോയന്റും മേഘാലയയ്ക്ക് 10 പോയന്റുമുണ്ട്.
സര്വീസസ് അവസാനമത്സരത്തില് റെയില്വേസിനെ തോല്പ്പിച്ചു (4-0). ഇതോടെ റെയില്വേസിന്റെ മോഹങ്ങള് പൊലിഞ്ഞു.
ഗ്രൂപ്പില്നിന്ന് മണിപ്പുരും പുറത്തായി. മുന് ചാമ്പ്യന്മാരായ ബംഗാള് ഫൈനല്റൗണ്ടില് ഒറ്റമത്സരവും ജയിക്കാതെയാണ് പുറത്തായത്. ഒറ്റപോയന്റാണ് ടീമിന് ലഭിച്ചത്.
Content Highlights: santosh trophy semi final line up is ready
Published: 21 Feb 2023, 08:02 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented