അഹമ്മദാബാദ്: ഇന്ത്യന്‍ വനിതാ ലീഗില്‍ ഗ്രൂപ്പ് എയിലെ തങ്ങളുടെ രണ്ടാം മത്സരത്തിലും തകര്‍പ്പന്‍ ജയം സ്വന്തമാക്കി ഗോകുലം കേരള. ശനിയാഴ്ച നടന്ന മത്സരത്തില്‍ സ്‌പോര്‍ട്‌സ് ഒഡിഷയെ ഒന്നിനെതിരേ എട്ട് ഗോളുകള്‍ക്കാണ് ഗോകുലം തകര്‍ത്തുവിട്ടത്. ആദ്യ മത്സരത്തില്‍ ഈസ്റ്റ് ബംഗാളിനെ 8-2ന് തോല്‍പ്പിച്ച ഗോകുലം രണ്ടാം മത്സരത്തിലും ഗോളടി തുടര്‍ന്നു.
കഴിഞ്ഞ മത്സരത്തില്‍ അഞ്ച് ഗോളുകളടിച്ച് തിളങ്ങിയ നേപ്പാള്‍ താരം സബ്രിത ഭണ്ഡാരി, ഇന്ന് ഒഡിഷയ്‌ക്കെതിരേ നാല് ഗോളുകള്‍ നേടി. 7, 62, 63, 79 മിനിറ്റുകളിലായിരുന്നു താരത്തിന്റെ ഗോളുകള്‍. വിവിയന്‍ അഡെയ് (28, 86) രണ്ട് തവണയും ദംഗമെയ് ഗ്രേസ് (43), ഷില്‍കി ദേവി (70) എന്നിവര്‍ ഓരോ വട്ടവും വലകുലുക്കി. ഒഡിഷയുടെ ആശ്വാസ ഗോള്‍ സുമിത്ര ഹെംബ്രാം (12) നേടി.
മേയ് രണ്ടിന് നടക്കുന്ന അടുത്ത മത്സരത്തില്‍ ഹോപ്‌സ് എഫ്‌സിയാണ് ഗോകുലത്തിന്റെ എതിരാളികള്‍.
Content Highlights: Sabitra Bhandari shines again Gokulam Kerala FC beat Sports Odisha
Published: 29 Apr 2023, 10:06 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented