മുംബൈ: ദക്ഷിണാഫ്രിക്കൻ പര്യടനത്തിൽ സ്മൃതി മന്ദാന ഇന്ത്യൻ ടെസ്റ്റ് ടീമിന്റെ ക്യാപ്റ്റനാകും. ഏകദിന ടീമിന്റെ ക്യാപ്റ്റനായതിന് പിന്നാലെയാണ് സ്മൃതി ടെസ്റ്റ് ടീമിനേയും നയിക്കാനൊരുങ്ങുന്നത്. ഹർമൻപ്രീത് കൗർ ക്യാപ്റ്റൻ സ്ഥാനം ഒഴിഞ്ഞതോടെയാണ് സ്മൃതി പുതിയ ദൗത്യം ഏറ്റെടുത്തത്.

To advertise here,

പരിക്കുമൂലം ഏഷ്യാ കപ്പ്, ഏഷ്യൻ ഗെയിംസ്, സിംബാബ്‌വെ പരമ്പര എന്നിവ നഷ്ടമായ ജെമീമ റോഡ്രിഗസ് ഈ പര്യടനത്തിലൂടെ ഇന്ത്യൻ ടീമിൽ തിരിച്ചെത്തും. ടെസ്റ്റ്, ഏകദിന ഫോർമാറ്റുകളിൽ ദീപ്തി ശർമയാകും വൈസ് ക്യാപ്റ്റൻ. അതേസമയം ട്വന്റി 20 പരമ്പരയിൽ ഷഫാലി വർമയാകും വൈസ് ക്യാപ്റ്റൻ. ഡിസംബർ ഒമ്പത് മുതൽ ഡിസംബർ 30 വരെ നടക്കുന്ന പര്യടനത്തിൽ ഇന്ത്യ ഒരു ടെസ്റ്റും മൂന്ന് ഏകദിനങ്ങളും മൂന്ന് ട്വന്റി 20 മത്സരങ്ങളും കളിക്കും.

ഇന്ത്യയിൽ നടന്ന ട്വൻി 20, ഏകദിന പരമ്പരകളിൽ സിംബാബ്‌വെയെ തകർത്തുകൊണ്ടാണ് സ്മൃതി തന്റെ ക്യാപ്റ്റൻസിക്ക് തുടക്കമിട്ടത്. ജനുവരിയിൽ നടക്കുന്ന വനിതാ ചാമ്പ്യൻസ് ട്രോഫിയിലും ഈ വിജയക്കുതിപ്പ് തുടരാനാകും ലക്ഷ്യമിടുന്നത്.