മോഹാലി : ഇന്ത്യക്കെതിരായ മൂന്നാം ഏകദിനത്തിൽ വിൻഡീസിന് ജയം. അഞ്ചു വിക്കറ്റിനാണ് ഇന്ത്യയെ തോൽപിച്ചത്. ഇന്ത്യ ഉയർത്തിയ 352 റൺസ് ലക്ഷ്യം 48.2 ഓവറിൽ മറികടന്നു. 162 റൺസുമായി പുറത്താവാതെ നിന്ന ഷായി ഹോപ്പാണ് ടീമിന് ജയം സമ്മാനിച്ചത്. മൂന്നുമത്സരങ്ങളടങ്ങിയ പരമ്പര 2-1 ന് ഇന്ത്യ സ്വന്തമാക്കി.
മറുപടി ബാറ്റിങ്ങിനിറങ്ങിയ വിൻഡീസിന് തുടക്കത്തിൽ തന്നെ ഓപ്പണർ ജോൺ ക്യാംബെല്ലിനെ നഷ്ടമായി. താരം വെറും 10 റൺസെടുത്ത് മടങ്ങി. രണ്ടാം വിക്കറ്റിൽ ഷായി ഹോപ്പും അമീർ ജാങ്കൂവും ചേർന്നാണ് ടീമിനെ മുന്നോട്ട് കൊണ്ടുപോയത്. ഇരുവരും ക്രീസിൽ നിലയുറപ്പിച്ച് ബാറ്റേന്തി. പതിനഞ്ചാം ഓവറിൽ വിൻഡീസ് നൂറ് കടന്നു. ഓവറിൽ ഹോപ്പ് ഫിഫ്റ്റി തികച്ചു. പിന്നാലെ ജാങ്കൂവും അമ്പത് കടന്നതോടെ വിൻഡീസ് ട്രാക്കിലായി. എന്നാൽ ജാങ്കൂ റണ്ണൗട്ടായത് വിൻഡീസിന് തിരിച്ചടിയായി. പിന്നീട് റുഥർഫോഡുമായും കീമോ പോളുമായും ഹോപ് കൂട്ടുകെട്ടുണ്ടാക്കി. ഹോപ് സെഞ്ചുറി കൂടി തികച്ചതോടെ ഇന്ത്യ പ്രതിരോധത്തിലായി.
റുഥർഫോഡ് 24 റൺസും കീമോ പോൾ 44 റൺസുമെടുത്തു. അതോടെ വിൻഡീസിന് ജയപ്രതീക്ഷ വന്നു. വിക്കറ്റ് പോകുമ്പോഴും മറുവശത്ത് ഹോപ് ഉറച്ചു നിന്നു. നൂറ് തികച്ചതിന് പിന്നാലെ ഹോപ് ബൗണ്ടറികളുമായി കളം നിറഞ്ഞു. മാത്യു ഫോർഡ് ഏഴ് റൺസെടുത്ത് പുറത്തായി. ടീമിനെ മുന്നൂറ് കടത്തിയ ഹോപ് ടീമിനെ ജയത്തിന്റെ വക്കിലെത്തിച്ചു. താരം 150 റൺസും തികച്ച് ബാറ്റേന്തിയതോടെ ഇന്ത്യ തോൽവിയോടെ മടങ്ങി. 48.2 ഓവറിൽ വിൻഡീസ് ലക്ഷ്യത്തിലെത്തി. ഹോപ്പ് 162 റൺസെടുത്തു.
നേരത്തെ സെഞ്ചുറി നേടിയ കെ.എൽ രാഹുലിന്റേയും 92 റൺസ് നേടിയ രോഹിത് ശർമയുടേയും അർധ സെഞ്ചുറി നേടിയ റുതുരാജ് ഗെയ്ക്ക്വാദിന്റേയും മികവിൽ ഇന്ത്യ നിശ്ചിത ഓവറിൽ ഏഴ് വിക്കറ്റ് നഷ്ടത്തിൽ 351 റൺസ് നേടി.
ടോസ് നേടി ബാറ്റിങ് തിരഞ്ഞെടുത്ത ഇന്ത്യക്ക് നാല് റൺസെടുക്കുന്നതിനിടയിൽ തന്നെ ശുഭ്മാൻ ഗില്ലിനേയും വിരാട് കോലിയേയും നഷ്ടമായി. പിന്നാലെ രോഹിത് ശർമയും റുതുരാജ് ഗെയ്ക്ക്വാദും ചേർന്ന് ഇന്ത്യയെ തകർച്ചയിൽ നിന്ന് കര കയറ്റുകയായിരുന്നു. ഇരുവരും മൂന്നാം വിക്കറ്റിൽ 137 റൺസ് കൂട്ടുകെട്ടുണ്ടാക്കി.
85 പന്തിൽ 10 ഫോറും മൂന്ന് സിക്സറും സഹിതം 92 റൺസെടുത്ത രോഹിതിനെ പുറത്താക്കി കീമോ പോളാണ് ഈ കൂട്ടുകെട്ട് പൊളിച്ചത്. പിന്നാലെ 69 പന്തിൽ നാല് സിക്സറും ഒരു ഫോറും സഹിതം 57 റൺസെടുത്ത റുതുരാജ് ഗെയ്ക്ക്വാദും പുറത്തായി.
തുടർന്ന് കെ.എൽ രാഹുലും നമാൻ ധിറും ഒത്തുചേർന്നു. ഇരുവരും 65 റൺസ് കൂട്ടിച്ചേർത്തു. പുറത്താകുമ്പോൾ നമാൻ ധിർ 21 പന്തിൽ 30 റൺസ് നേടിയിരുന്നു.
Content Highlights: India lost both openers Shubman Gill and Virat Kohli early., India reached 4 runs with two quick dismissals by Jayden Seales., India already leads the series 2-0 after winning the first two matches.
Published: 03 Oct 2026, 02:32 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented