കൊല്‍ക്കത്ത: ഇന്ത്യന്‍ സൂപ്പര്‍ ലീഗില്‍ മോഹന്‍ ബഗാന് ഫൈനലില്‍. രണ്ടാംപാദസെമിയില്‍ ജംഷേദ്പുരിനെ കീഴടക്കിയാണ് മോഹന്‍ ബഗാന് ഫൈനലിലെത്തിയത്. ഏകപക്ഷീയമായ രണ്ടുഗോളുകള്‍ക്കാണ് ബഗാന്റെ ജയം. ഇരുപാദങ്ങളിലുമായി അഗ്രിഗേറ്റ് സ്‌കോറില്‍ മുന്നിലെത്തിയതോടെയാണ് (3-2) ബഗാന് കലാശപ്പോരിന് ടിക്കറ്റെടുത്തത്. ഏപ്രില്‍ 12 ന് നടക്കുന്ന ഫൈനലില്‍ ബെംഗളൂരു എംഫ്‌സിയാണ് ബഗാന്റെ എതിരാളികള്‍.
സ്വന്തം തട്ടകമായ സാള്‍ട്ട് ലേക്ക് സ്‌റ്റേഡിയത്തില്‍ രണ്ടാം പകുതിയില്‍ നേടിയ രണ്ടുഗോളുകളാണ് ബഗാന് രക്ഷയായത്. ആദ്യ പകുതി ഗോള്‍ രഹിതമായിരുന്നു. 51-ാം മിനിറ്റില്‍ പെനാല്‍റ്റിയിലൂടെ ജേസണ്‍ കമ്മിങ്‌സ് ബഗാന്റെ ആദ്യ ഗോള്‍ നേടി. അതോടെ അഗ്രിഗേറ്റ് സ്‌കോര്‍ തുല്യമായി(2-2). ആദ്യ പാദത്തില്‍ 2-1 നാണ് ജംഷേദ്പുര്‍ വിജയിച്ചത്.
അഗ്രിഗേറ്റ് സ്‌കോര്‍ സമനിലയില്‍ തുടരുന്നതിനിടെയാണ് ഇഞ്ചുറി ടൈമില്‍ ബഗാന്റെ രണ്ടാം ഗോളെത്തിയത്. ലാല്‍ഡന്‍മാവിയ റാള്‍ട്ടെയാണ് വലകുലുക്കിയത്. അതോടെ അഗ്രിഗേറ്റ് സ്‌കോറില്‍ മുന്നിലെത്തിയ ബഗാന് ഫൈനലിലെത്തി. ഫൈനലില്‍ ബെംഗളൂരു എംഫ്‌സിയാണ് ബഗാന്റെ എതിരാളികള്‍.
Content Highlights: mohun bagan reached isl final
Published: 07 Apr 2025, 09:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented