ചലച്ചിത്രമേളയിലെ രുചിവൈവിധ്യം

താനൂർ പായസ സ്റ്റാൾ

കുളിർമയേകി നൊങ്ക് 

ഡെലിഗേറ്റുകൾക്ക് കുളിർമയേകുന്നതിൽ മുമ്പനാണ് നൊങ്ക്. ടാഗോർ തിയറ്ററിൽ സർക്കാർ ഒരുക്കിയ നൊങ്ക് സ്റ്റാളിൽ വൻ തിരക്കാണെപ്പോഴും. സ്വാദിനൊപ്പം ഉന്മേഷവും ആരോഗ്യവും തരുന്ന നൊങ്കിനു ആരാധാകർ ഏറെയാണ്. തമിഴ്നാട്ടിൽ നിന്നും കൊണ്ടുവരുന്ന നൊങ്ക് ഉപയോഗിച്ച് നൊങ്ക് ജ്യൂസ്‌, നൊങ്ക് പൈനാപ്പിൾ, നൊങ്ക് സർബത്ത്‌ എന്നിങ്ങനെ വേറിട്ട വിഭവങ്ങൾ ഇവിടെ ലഭ്യമാണ്.

ചലച്ചിത്രമേള ന​ഗരിയിലെ ശീതള പാനീയക്കടകളിൽ ഒരെണ്ണം

വിദ്യാർത്ഥികൾക്ക് സൗജന്യഭക്ഷണം

ഭക്ഷണ​വൈവിധ്യം മാത്രമല്ല മേളയ്ക്കെത്തുന്ന വിദ്യാർഥികൾക്കായി സൗജന്യഭക്ഷണവും ഒരുക്കിയിട്ടുണ്ട് സിനിമാ സംഘടനകൾ. കേരള ഫിലിം ചേമ്പർ, കേരള ഫിലിം പ്രൊഡ്യൂസർസ് അസോസിയേഷൻ, ട്രിവാൻഡ്രം ഫിലിം ഫ്രെറ്റെർണിറ്റി എന്നീ സംഘടനകൾ സംയുക്തമായാണ് വിദ്യാർത്ഥികൾക്ക് ടാഗോർ തിയേറ്ററിൽ ഒരുക്കിയിരിക്കുന്ന സ്റ്റാൾ വഴി ഉച്ചക്ക് സൗജന്യമായി ഭക്ഷണം വിതരണം ചെയ്യുന്നത്. 

മേളക്ക് എത്തുന്ന വിദ്യാർത്ഥികൾ ഭക്ഷണത്തിനായി അലയുന്നത് ശ്രദ്ധയിൽപ്പെട്ടതാണ് ഇങ്ങനെയൊരു സംരംഭം തുടങ്ങാൻ ഇവരെ പ്രേരിപ്പിച്ചത്. പത്ത് വർഷമായി ഇവിടെയെത്തുന്ന വിദ്യാർത്ഥികൾക്ക് സൗജന്യമായി ഇവർ ഭക്ഷണം നൽകുന്നുണ്ട്. കുടുംബശ്രീയുമായി സഹകരിച്ച് ഉച്ച ഊണും കറികളും കൂടാതെ ഫ്രീഡം ചപ്പാത്തിയുമാണ് വിദ്യാർത്ഥികൾക്കായി ഒരുക്കിയിരിക്കുന്നത്.