
ബെംഗളൂരു: അടുത്തമാസം ആരംഭിക്കുന്ന ട്വന്റി 20 ലോകകപ്പ് ക്രിക്കറ്റിൽ സ്കോട്ട്ലൻഡ് ടീം മുഖ്യസ്പോൺസറായ കർണാടക മിൽക്ക് ഫെഡറേഷന്റെ (കെ.എം.എഫ്.) നന്ദിനി ബ്രാൻഡ് ലോഗോയുള്ള ജേഴ്സി പുറത്തിറക്കി.
ബ്രാൻഡിന്റെ പേര് കന്നഡയിലാണ് ജഴ്സിയിൽ എഴുതിയത്. അയർലൻഡ് ക്രിക്കറ്റ് ടീമിന്റെ പ്രധാന സ്പോൺസറും ‘നന്ദിനി’യാണ്. ആദ്യമായാണ് നന്ദിനി ബ്രാൻഡ് അന്താരാഷ്ട്രതലത്തിൽ സ്പോൺസറാകുന്നത്. ജൂൺ രണ്ടുമുതൽ യു.എസിലും വെസ്റ്റ് ഇൻഡീസിലുമായിട്ടാണ് ലോകകപ്പ് ക്രിക്കറ്റ് നടക്കുന്നത്.
ജൂൺ നാലിന് ഇംഗ്ലണ്ടിനെതിരേയാണ് സ്കോട്ട്ലൻഡിന്റെ ആദ്യമത്സരം. ‘നന്ദിനി’യെ ആഗോള ബ്രാൻഡാക്കി മാറ്റാനുള്ള ശ്രമമാണെന്നും മത്സരത്തിനിടെ ടീമുകൾ നന്ദിനി ബ്രാൻഡ് പ്രദർശിപ്പിക്കുമെന്നും കർണാടക മിൽക്ക് ഫെഡറേഷൻ മാനേജിങ് ഡയറക്ടർ എം.കെ. ജഗദീഷ് പറഞ്ഞു. നിലവിൽ മിഡിൽ ഈസ്റ്റിലും സിങ്കപ്പൂരിലും നന്ദിനിയുടെ സാന്നിധ്യമുണ്ട്. യു.എസിലും നന്ദിനി ഉത്പന്നങ്ങൾ വിൽക്കുന്നുണ്ട്.
Content Highlights: scotland cricket team unveils t20 world cup jersey with nandini dairy brand logo
Published: 17 May 2024, 08:54 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented