മഞ്ചേരി: സൂപ്പര്‍ കപ്പില്‍ ഗ്രൂപ്പ് ബിയില്‍ നടന്ന മത്സരത്തില്‍ ഹൈദരാബാദ് എഫ്‌സിക്ക് ജയം. മിസോറം ക്ലബ്ബ് ഐസ്വാള്‍ എഫ്‌സിയെ ഒന്നിനെതിരേ രണ്ട് ഗോളുകള്‍ക്കാണ് ഹൈദരാബാദ് പരാജയപ്പെടുത്തിയത്.
കളിയുടെ തുടക്കംമുതൽ ആധിപത്യം പുലര്‍ത്തിയ ഹൈദരാബാദ് 17-ാം മിനിറ്റില്‍ തന്നെ മുന്നിലെത്തി. ഒരു കൗണ്ടര്‍ അറ്റാക്കിനൊടുവില്‍ ജോയല്‍ കിയാനിസെയാണ് ഹൈദരാബാദിനായി വലകുലുക്കിയത്.
പിന്നാലെ 50-ാം മിനിറ്റില്‍ ഹൈദരാബാദ് താരം ആരെന്‍ ഡിസില്‍വയെ ഐസ്വാള്‍ താരം ബോക്‌സില്‍ വീഴ്ത്തിയതിന് റഫറി പെനാല്‍റ്റി സ്‌പോട്ടിലേക്ക് വിരല്‍ ചൂണ്ടി. കിക്കെടുത്ത ജാവോ വിക്ടര്‍ ഹൈദരാബാദിന്റെ ലീഡുയര്‍ത്തി. എക്‌സ്ട്രാ ടൈമില്‍ ഐസ്വാളിന്റെ ആശ്വാസ ഗോളെത്തി. ഇവാന്‍ വെരാസാണ് ടീമിനായി വലകുലുക്കിയത്.
Content Highlights: Hero Super Cup 2023 Hyderabad defeats Aizawl FC
Published: 09 Apr 2023, 07:27 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented