മഞ്ചേരി: സൂപ്പര് കപ്പില് ശനിയാഴ്ച നടന്ന രണ്ടാം സെമിയില് നോര്ത്ത്ഈസ്റ്റ് യുണൈറ്റഡിനെ പരാജയപ്പെടുത്തി ഒഡിഷ എഫ്സി ഫൈനലില്. ഒന്നിനെതിരേ മൂന്ന് ഗോളുകള്ക്കായിരുന്നു ഒഡിഷയുടെ ജയം. നന്ദകുമാര് ഇരട്ട ഗോളുമായി തിളങ്ങിയ മത്സരത്തില് ഒരു ഗോളിന് പിന്നിലായ ശേഷമായിരുന്നു ഒഡിഷയുടെ വിജയം.
25-ന് നടക്കുന്ന ഫൈനലില് ഒഡിഷ, ബെംഗളൂരു എഫ്സിയെ നേരിടും. കോഴിക്കോട് കോര്പ്പറേഷന് സ്റ്റേഡിയത്തില് ഏഴ് മണിക്കാണ് ഫൈനല്.
കളിതുടങ്ങി നിമിഷങ്ങള്ക്കകം തന്നെ നോര്ത്ത്ഈസ്റ്റ് മുന്നിലെത്തിയിരുന്നു. ജോര്ദാന് വില്മറാണ് നോര്ത്ത്ഈസ്റ്റിനായി സ്കോര് ചെയ്തത്. എന്നാല് 11-ാം മിനിറ്റില് തന്നെ ഒഡിഷ ഒപ്പമെത്തി. ജെറിയുടെ ക്രോസ് ഒരു ഹെഡറിലൂടെ വലയിലെത്തിച്ച് നന്ദകുമാറാണ് ഒഡിഷയെ ഒപ്പമെത്തിച്ചത്.
തുടര്ന്ന് 63-ാം മിനിറ്റില് ഒഡിഷ ലീഡെടുത്തു. വിക്ടര് റോഡ്രിഗസും നന്ദകുമാറും ചേര്ന്നുള്ള ഒരു മുന്നേറ്റമാണ് ഗോളില് കലാശിച്ചത്. വിക്ടര് നല്കിയ പന്ത് ഒടുവില് നന്ദകുമാര് വലയിലെത്തിക്കുകയായിരുന്നു. രണ്ടാം ഗോള് നേടിയതോടെ ഒഡിഷ മത്സരത്തില് ആധിപത്യം തുടര്ന്നു. 85-ാം മിനിറ്റില് ഡിയഗോ മൗറീസിയോ ഒഡിഷയുടെ മൂന്നാം ഗോള് നേടി ഫൈനല് ബര്ത്ത് ഉറപ്പാക്കി.
Content Highlights: Super Cup 2023 Odisha FC beat NorthEast United FC to reach final
Published: 22 Apr 2023, 09:26 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented