ഇന്ത്യ-പാക് സംഘർഷത്തിന് ആഴ്ചകൾക്ക് ശേഷം പാകിസ്താൻ സേനാമേധാവി ജനറൽ അസിം മുനീറിന് വൈറ്റ് ഹൗസിൽ ഉച്ചവിരുന്നു നൽകിയ സംഭവമാണ് ഇപ്പോൾ സാമൂഹ്യമാധ്യമങ്ങളിൽ ചർച്ചാവിഷയം. പാകിസ്താനും ഇറാനും തമ്മിലുള്ള അടുത്ത ബന്ധവും ഇപ്പോഴത്തെ ഈ ഉച്ചവിരുന്ന് വലിയ മാധ്യമശ്രദ്ധ നേടുന്നതിന് കാരണമായി. 

To advertise here,

എന്നാൽ, സംഭവത്തിന് പിന്നാലെ ഇപ്പോൾ പലവിധ മീമുകളാലും ട്രോളുകളാലും നിറഞ്ഞിരിക്കുകയാണ് അസിം മുനീറും പ്രസിഡന്റ് ട്രംപും. സമയം വരുമ്പോൾ ഇറാനെ പിന്നിൽ നിന്ന് കുത്താൻ വേണ്ടിയാണ് മുനീറിന് ട്രംപ് സൗജന്യ ഭക്ഷണം നൽകിയത് എന്നാണ് ഒരു ഉപയോക്താവ് എക്സിൽ കുറിച്ചത്. 3 ഇഡിയറ്റ്സ് എന്ന ചിത്രത്തിൽ ക്ഷണിക്കാതെ വിരുന്നിനെത്തി ഭക്ഷണം കഴിക്കുന്ന കേന്ദ്രകഥാപാത്രങ്ങളെ വെച്ചുള്ള മീമും വലിയ തോതിൽ പ്രചാരംനേടി. ട്രംപിന്റേയും അസിം മുനീറിന്റേയും ഉച്ചഭക്ഷണത്തിന്റെ ദൃശ്യങ്ങൾ പുറത്തുവന്നു എന്ന അടിക്കുറിപ്പോടെയാണ് ഈ മീം പ്രചരിക്കുന്നത്. 

അതേസമയം, ഏപ്രിൽ 22-ലെ പഹൽഗാം ഭീകരാക്രമണത്തിനു തിരിച്ചടിയായായി മേയ് എഴുമുതൽ 10വരെ ഇന്ത്യ പാകിസ്താനിൽ ‘ഓപ്പറേഷൻ സിന്ദൂർ’ നടത്തിയിരുന്നു. അതിനുശേഷം പാക് ഭീകരത തുറന്നുകാട്ടാൻ ഇന്ത്യൻ പ്രതിനിധിസംഘം യുഎസ് സന്ദർശിക്കുകയും ചെയ്തിരുന്നു. ഇതിനുപിന്നാലെയാണ് വൈറ്റ് ഹൗസ് അസിം മുനീറിനെ ക്ഷണിച്ചത്.