റിയാദ്: സൗദി അറേബ്യയിലെ ഏകീകൃത അടിയന്തര സേവന നമ്പറായ 911-ൽ ജൂലായ് മാസത്തിൽ ലഭിച്ചത് 27.33 ലക്ഷത്തിലധികം കോളുകൾ. നാഷണൽ സെന്റർ ഫോർ സെക്യൂരിറ്റി ഓപ്പറേഷൻസാണ് കണക്കുകൾ പുറത്തുവിട്ടത്.
മക്ക, മദീന, റിയാദ്, കിഴക്കൻ പ്രവിശ്യ എന്നിവിടങ്ങളിലായി പ്രവർത്തിക്കുന്ന ഏകീകൃത സുരക്ഷാ ഓപ്പറേഷൻസ് കേന്ദ്രങ്ങളിൽ ജൂലായിൽ ആകെ 27,33,359 കോളുകളാണ് ലഭിച്ചത്. അടിയന്തര റിപ്പോർട്ടുകൾ സ്വീകരിച്ച് ആവശ്യമായ നടപടികൾക്കായി ബന്ധപ്പെട്ട സുരക്ഷാ, സേവന വിഭാഗങ്ങളിലേക്ക് വിവരങ്ങൾ കൈമാറുകയാണ് കേന്ദ്രങ്ങളുടെ പ്രധാന ചുമതല.
11,29,908 കോളുകളുമായി റിയാദ് ആണ് ഏറ്റവും കൂടുതൽ കോളുകൾ രേഖപ്പെടുത്തിയ മേഖല. മക്കയിൽ 8,47,929 കോളുകളും കിഴക്കൻ പ്രവിശ്യയിൽ 5,14,984 കോളുകളും ലഭിച്ചു. മദീനയിൽ 2,40,538 കോളുകളാണ് രേഖപ്പെടുത്തിയത്.
24 മണിക്കൂറും പ്രവർത്തിക്കുന്ന ഈ കേന്ദ്രങ്ങളിൽ അത്യാധുനിക ഓട്ടോമേറ്റഡ് സംവിധാനങ്ങൾക്കൊപ്പം വിവിധ ഭാഷകളിൽ സേവനം നൽകാൻ പരിശീലനം നേടിയ ജീവനക്കാരുമുണ്ട്. അടിയന്തര കോളുകൾ വേഗത്തിൽ സ്വീകരിച്ച് ബന്ധപ്പെട്ട അധികൃതരുമായി ഏകോപനം നടത്തി ആവശ്യമായ സേവനം ഉറപ്പാക്കുകയാണ് കേന്ദ്രങ്ങളുടെ ലക്ഷ്യം.
Content Highlights: Over 2.73 million emergency calls processed in July via 911., Riyadh recorded the highest volume with 1.12 million calls., Unified security centers operate 24/7 with automated technology and multilingual staff., Efficient coordination between security and service departments ensures rapid emergency response.
Published: 08 Aug 2026, 10:36 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented