ലണ്ടന്‍: യുകെയില്‍ സംഗീത-നൃത്ത വിസ്മയങ്ങളൊരുക്കിയും, ജീവ കാരുണ്യ പ്രവര്‍ത്തനങ്ങള്‍ നടത്തിയും, മലയാളികളുടെ ഹൃദയ വേദിയില്‍ ഇടംപിടിച്ച 7 ബീറ്റ്സ് മ്യൂസിക് ബാന്‍ഡ് ഒരുക്കുന്ന 7 ബീറ്റ്സ് സംഗീതോത്സവത്തിന് ലണ്ടനിലെ ഹോണ്‍ചര്‍ച്ചില്‍ അരങ്ങൊരുങ്ങുന്നു. 2026 മാര്‍ച്ച് 7 നു ശനിയാഴ്ച്ച 2 മണിമുതല്‍ രാത്രി 10 മണി വരെയാണ് സംഗീത-നൃത്തോത്സവം ക്രമീകരിച്ചിരിക്കുന്നത്.
അന്തരിച്ച പത്മഭൂഷണ്‍ ഒഎന്‍വി കുറുപ്പിന്റെ അനുസ്മരണവും 7 ബീറ്റ്സ് സംഗീതോത്സവ വേദിയില്‍ നടത്തപ്പെടും. ഒഎന്‍വി സാറിന്റെ മധുരിക്കും ഓര്‍മ്മകളുമായി, സംഗീതോത്സവ വേദിയില്‍ ഒരുക്കുന്ന സംഗീതാര്‍ച്ചനയിലൂടെ, മഹാകവിക്ക് സ്മരണാഞ്ജലി അര്‍പ്പിക്കുന്നതിനും, നവ പ്രതിഭകള്‍ക്ക് അവസരമൊരുക്കുന്നതിനും, ജീവകാരുണ്യനിധി സ്വരൂപണത്തിനുമാണ് 7
ബീറ്റ്സ് മ്യൂസിക് ബാന്‍ഡ്, സംഗീതോത്സവം സമര്‍പ്പിക്കുക. യുകെയിലെ കലാസാംസ്‌കാരിക രാഷ്ട്രീയ മേഖലയിലെ പ്രമുഖരും വേദി പങ്കിടുന്ന ഈ സംഗീതോത്സവത്തില്‍ ഒമ്പതാം തവണയും ടൈറ്റില്‍ സ്‌പോണ്‍സറായി എത്തുന്നത്, പ്രമുഖ മോര്‍ട്ടഗേജ് & ഇന്‍ഷുറന്‍സ് സ്ഥാപനമായ ലൈഫ് ലൈന്‍ പ്രൊട്ടക്ട് ഇന്‍ഷുറന്‍സ് & മോര്‍ട്ടഗേജ് സര്‍വീസസ് ആണ്.
കൂടുതല്‍ വിവരങ്ങള്‍ക്ക്:
സണ്ണിമോന്‍ മത്തായി-07727993229
ജോമോന്‍ മാമ്മൂട്ടില്‍-07930431445
വാര്‍ത്തയും ഫോട്ടോയും : അപ്പച്ചന്‍ കണ്ണഞ്ചിറ
Content Highlights: 7 Beats Music Band's Charity Festival Returns to London
Published: 27 Nov 2025, 12:37 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented