മനാമ: കൊല്ലം പ്രവാസി അസോസിയേഷൻ (കെപിഎ) ഹോസ്പിറ്റൽ ഇൻഫർമേഷൻ ഡെസ്‌കിന്റെ ആഭിമുഖ്യത്തിൽ സെഗയാ അൽഹിലാൽ പ്രീമിയർ ഹോസ്പിറ്റലിൽ സംഘടിപ്പിച്ച സൗജന്യ മെഡിക്കൽ ക്യാമ്പും മെഡിക്കൽ അവയർനസ് ക്ലാസും ശ്രദ്ധേയമായി. 250-ഓളം പ്രവാസികൾ പ്രയോജനപ്പെടുത്തിയ സൗജന്യ മെഡിക്കൽ ക്യാമ്പ് ബഹ്റൈൻ കേരള സമാജം ജനറൽ സെക്രട്ടറി വർഗീസ് കാരയ്ക്കൽ ഉദ്ഘാടനം ചെയ്തു.

To advertise here,

കെപിഎ വൈസ് പ്രസിഡന്റ് കോയിവിള മുഹമ്മദ് കുഞ്ഞ് അധ്യക്ഷനായ ചടങ്ങിൽ ഹോസ്പിറ്റൽ ഇൻഫർമേഷൻ ഡെസ്‌ക് കോഡിനേറ്റർ ജിബി ജോൺ വർഗീസ് സ്വാഗതവും കോഡിനേറ്റർ രമ്യാ ഗിരീഷ് നന്ദിയും പറഞ്ഞു. അൽ ഹിലാൽ പ്രീമിയർ ഹോസ്പിറ്റൽ പ്രതിനിധി പ്യാരിലാലിനു കെപിഎ വൈസ് പ്രസിഡന്റ് മെമെന്റോ നൽകി. മെഡിക്കൽ ബോധവത്കരണ ക്ലാസിന് നേതൃത്വം നൽകിയ കൺസൾട്ടന്റ് യൂറോളജിസ്റ്റായ ഡോ. അരുൺ ആന്റണിക്ക് ബികെഎസ് ജനറൽ സെക്രട്ടറി മെമെന്റോ കൈമാറി. കെപിഎ ട്രഷറർ മനോജ് ജമാൽ, അസിസ്റ്റന്റ് ട്രഷറർ കൃഷ്ണകുമാർ, ഹോസ്പിറ്റൽ ഇൻഫർമേഷൻ ഡെസ്‌ക് കോഡിനേറ്റർ അജി അനിരുദ്ധൻ എന്നിവർ ആശംസകൾ അറിയിച്ചു. സെൻട്രൽ കമ്മിറ്റി അംഗങ്ങൾ, ജില്ലാ കമ്മിറ്റി അംഗങ്ങൾ, പ്രവാസിശ്രീ ഭാരവാഹികൾ എന്നിവർ ക്യാമ്പിന് നേതൃത്വം നൽകി.