മനാമ: ബഹ്റൈനിലെ അമേരിക്കൻ സൈനിക താവളങ്ങൾക്ക് നേരെ വീണ്ടും ഇറാന്റെ ഡ്രോൺ ആക്രമണം. ഞായറാഴ്ചയാണ് ബഹ്റൈനിലെ യു.എസ്. താവളങ്ങൾ ലക്ഷ്യമാക്കി ഇറാൻ ഡ്രോണുകൾ അയച്ചത്. ഇറാന്റെ വ്യോമാക്രമണങ്ങളെ തങ്ങളുടെ വ്യോമപ്രതിരോധ സംവിധാനം തടയുകയും തകർക്കുകയും ചെയ്തതായി ബഹ്റൈൻ വ്യക്തമാക്കി.
അമേരിക്കയുടെ ശത്രുതാപരമായ നടപടികൾക്കുള്ള തിരിച്ചടിയായി ബഹ്റൈനിലെ യു.എസ് സൈനിക താവളത്തിന് നേരെ ആറ് ഡ്രോണുകൾ ഉപയോഗിച്ച് ആക്രമണം നടത്തിയതായി ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് വ്യക്തമാക്കിയതായി ഇറാന്റെ ഫാർസ് വാർത്താ ഏജൻസി റിപ്പോർട്ട് ചെയ്തു.
രണ്ട് ദിവസം മുമ്പ് ബഹ്റൈനിലെ അമേരിക്കയുടെ എർലി വാണിംഗ് (ആദ്യ മുന്നറിയിപ്പ്) റഡാർ സംവിധാനത്തിന് നേരെ ആക്രമണം നടത്തിയതായും റെവല്യൂഷണറി ഗാർഡ് അവകാശപ്പെട്ടിരുന്നു. എന്നാൽ റഡാർ സംവിധാനം ആക്രമിക്കപ്പെട്ടെന്ന അവകാശവാദം അമേരിക്കൻ സൈന്യം തള്ളി. യാതൊരു നാശനഷ്ടവും കൂടാതെ ഇറാന്റെ രണ്ട് ഡ്രോണുകൾ തടഞ്ഞതായി യു.എസ് സൈന്യം വ്യക്തമാക്കി.
ബഹ്റൈന് നേരെയുണ്ടായ ഇറാന്റെ ആക്രമണത്തെ അമേരിക്കൻ വിദേശകാര്യ സെക്രട്ടറി മാർക്കോ റൂബിയോ ശക്തമായി അപലപിച്ചു. ബഹ്റൈൻ വിദേശകാര്യ മന്ത്രി അബ്ദുല്ലത്തീഫ് ബിൻ റാഷിദ് അൽ സയാനിയുമായി നടത്തിയ ഫോൺ സംഭാഷണത്തിലാണ് അദ്ദേഹം ഇക്കാര്യം വ്യക്തമാക്കിയതെന്ന് യു.എസ് സ്റ്റേറ്റ് ഡിപ്പാർട്ട്മെന്റ് അറിയിച്ചു.
Content Highlights: Iran launched a drone attack targeting a US military base in Bahrain, which was successfully intercepted by defense systems, drawing strong condemnation from the United States.
Published: 17 Nov 2026, 01:40 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented