ബഹ്‌റൈൻ: ചരിത്രകാരനും എഴുത്തുകാരനും അധ്യാപകനുമായിരുന്ന ഡോ. എം ജി എസ്  നാരായണന്റെ നിര്യാണത്തിൽ കോഴിക്കോട് സാമൂതിരി ഗുരുവായൂരപ്പൻ കോളേജ് ബഹ്‌റൈൻ അലുംനി അനുശോചനം രേഖപ്പെടുത്തി. ഇന്ത്യൻ ചരിത്ര ഗവേഷണത്തിന് അമൂല്യ സംഭാവനകൾ നൽകിയ വ്യക്തിയായ എം ജി എസ്  ഇന്ത്യൻ കൗൺസിൽ ഓഫ് ഹിസ്റ്റോറിക്കൽ റിസർച്ചിന്റെ മുൻ ചെയര്മാൻ കൂടിയായിരുന്നു. 

To advertise here,

 ഗുരുവായൂരപ്പൻ കോളേജിലെ  പൂർവ്വ വിദ്യാർത്ഥിയായിരുന്ന എം ജി എസ്,  അധ്യാപകനായി ഔദ്യോഗിക ജീവിതം ആരംഭിച്ചതും ഗുരുവായൂരപ്പൻ കോളേജിൽ തന്നെയായിരുന്നു. മലയാളത്തിലും ഇംഗ്ലീഷിലുമായി ചരിത്രപ്രാധാന്യമുള്ള നിരവധി ലേഖനങ്ങൾ ഇദ്ദേഹം പ്രസിദ്ധീകരിച്ചിട്ടുണ്ട്. ചരിത്ര ലേഖനങ്ങളെ ജനപ്രിയമാക്കുന്നതിൽ അദ്ദേഹത്തിന്റെ സാഹിത്യാഭിരുചി വളരെയധികം ഗുണം ചെയ്തിരുന്നു. ബഹ്‌റൈൻ സന്ദർശിക്കുന്ന ഗുരുവായൂരപ്പൻ കോളേജ് പൂർവ്വ വിദ്യാർത്ഥികളായ സിനിമാ-ടി വി താരവും ആക്ടിങ് ട്രെയ്നറുമായ വിനോദ് കോവൂർ, മാതൃഭൂമി മീഡിയ വിഭാഗം തലവൻ കെ ആർ പ്രമോദ് എന്നിവർ ചടങ്ങിൽ അനുസ്മരണം രേഖപ്പെടുത്തി.