മനാമ: മുനിസിപ്പൽ തിരഞ്ഞെടുപ്പുകളിൽ ബഹ്‌റൈനി സ്ത്രീകൾ പങ്കാളികളായതിന്റെ നൂറാം വാർഷികം മനാമ മുനിസിപ്പാലിറ്റി കെട്ടിടത്തിൽ ആഘോഷിച്ചു. ബഹ്റൈൻ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയുടെ രക്ഷാകർതൃത്വത്തിലായിരുന്നു ചടങ്ങ്.

To advertise here,

സ്ത്രീ ശാക്തീകരണത്തിലും ദേശീയ വികസനത്തിലും രാജ്യത്തിനുള്ള ചരിത്രപരമായ പ്രതിബദ്ധത പ്രിൻസ് സൽമാൻ വ്യക്തമാക്കി. ഹമദ് ബിൻ ഈസ അൽ ഖലീഫ രാജാവിന്റെ നേതൃത്വത്തിൽ നടപ്പാക്കുന്ന വികസന പ്രവർത്തനങ്ങളിലൂടെ സുപ്രധാന തീരുമാനങ്ങളെടുക്കുന്ന സ്ഥാനങ്ങളിൽ സ്ത്രീകളുടെ പ്രാതിനിധ്യം ശക്തിപ്പെടുത്താൻ സാധിച്ചതായി അദ്ദേഹം ചൂണ്ടിക്കാട്ടി.

രാജാവിന്റെ പത്‌നിയും സുപ്രീം കൗൺസിൽ ഫോർ വിമൻ പ്രസിഡന്റുമായ പ്രിൻസസ് സബീക്ക ബിന്ത് ഇബ്രാഹിം അൽ ഖലീഫ സ്ത്രീകളുടെ പുരോഗതിക്കായി നൽകുന്ന പിന്തുണയെയും കിരീടാവകാശി പ്രശംസിച്ചു. മുനിസിപ്പൽ കൗൺസിലുകളിലെ പ്രവർത്തനങ്ങളിലൂടെ പൊതുനന്മയ്ക്കായി ബഹ്‌റൈനി സ്ത്രീകൾ നൽകിയ സംഭാവനകൾ എടുത്തുപറഞ്ഞ അദ്ദേഹം, ഈ ആഘോഷം രാജ്യത്തിന്റെ ചരിത്രത്തിലെ സുപ്രധാന നാഴികക്കല്ലാണെന്ന് കൂട്ടിച്ചേർത്തു.

ഉപപ്രധാനമന്ത്രി ശൈഖ് ഖാലിദ് ബിൻ അബ്ദുള്ള അൽ ഖലീഫ, ആഭ്യന്തര മന്ത്രി ജനറൽ ശൈഖ് റാഷിദ് ബിൻ അബ്ദുള്ള അൽ ഖലീഫ, പ്രൈം മിനിസ്റ്റേഴ്‌സ് കോർട്ട് മന്ത്രി ശൈഖ് ഈസ ബിൻ സൽമാൻ ബിൻ ഹമദ് അൽ ഖലീഫ, ശൈഖ് മുഹമ്മദ് ബിൻ സൽമാൻ ബിൻ ഹമദ് അൽ ഖലീഫ, ധനകാര്യ, ദേശീയ സമ്പദ്വ്യവസ്ഥാ മന്ത്രി ശൈഖ് സൽമാൻ ബിൻ ഖലീഫ അൽ ഖലീഫ തുടങ്ങിയവർ ചടങ്ങിൽ സംബന്ധിച്ചു.