കല്ലടിക്കോട് : കോഴിക്കോട് –പാലക്കാട് ദേശീയപാതയിൽ കാഞ്ഞിക്കുളം സത്രംകാവിന് സമീപം അപകടത്തിൽപ്പെട്ട കണ്ടെയ്നർ ലോറി മാറ്റാത്തത് അപകടഭീഷണിയാവുന്നു. അപകടമുണ്ടായി മൂന്നുമാസം കഴിഞ്ഞിട്ടും റോഡുവശത്തേക്ക് മാറ്റിയിട്ട ലോറി കൊണ്ടുപോകാത്തതിൽ പരിസരവാസികൾ പ്രതിഷേധത്തിലാണ്.
ഓഗസ്റ്റ് 27-ന് പുലർച്ചെയാണ് കോഴിത്തീറ്റ കയറ്റിവന്ന ലോറിയും കാർ കാരിയർ ലോറിയും കൂട്ടിയിടിച്ച് തീപിടിച്ചത്. അപകടത്തിൽ ഒരാൾ മരിക്കയും മറ്റൊരാൾക്ക് ഗുരുതര പരിക്കേൽക്കുകയും ചെയ്തിരുന്നു.
കാഞ്ഞിക്കുളത്തെ സർവീസ് സഹകരണബാങ്കിന് സമീപത്തുള്ള വീട്ടിനുമുന്നിലാണ് കത്തിക്കരിഞ്ഞ ലോറി കിടക്കുന്നത്. ദേശീയപാതയിലെ വളവിനോടുചേർന്ന് മരങ്ങളുള്ള ഭാഗത്തായതിനാൽ വാഹനങ്ങൾക്ക് അപകടസാധ്യത കൂടുതലുള്ളഭാഗം കൂടിയാണ് ഇവിടം.
പ്രത്യേകിച്ച് രാത്രികാലങ്ങളിൽ ഇത് കൂടുതൽ അപകടഭീഷണി സൃഷ്ടിക്കുന്നുണ്ട്.
ലോറിയുടെ അവശിഷ്ടം തുരുമ്പെടുത്ത് നശിക്കയാണ്. വീടിനുമുന്നിൽ വാഹനം കിടക്കുന്നത് പ്രദേശവാസികൾക്കും ബുദ്ധിമുട്ടുണ്ടാക്കുന്നു. ലോറി അടിയന്തരമായി നീക്കണമെന്നാണ് നാട്ടുകാരുടെ ആവശ്യം.
Published: 18 Nov 2026, 03:17 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented